January 19, 2025
ગુજરાત(Gujarat): સમગ્ર દુનિયામાં હાહાકાર મચાવી રહેલ ઓમિક્રોન હવે ગુજરાતમાં પણ પોતાનો અસલી ચહેરો દેખાડી રહ્યો છે. જ્યારે દિવસેને દિવસે ઓમિક્રોન(Omicron) કેસમાં પણ સતત વધારો જોવા મળી રહ્યો છે. જેમાં એક જ દિવસમાં એક સાથે 9 દર્દીઓ ઓમિક્રોન પોઝીટીવ આવતા રાજ્યમાં હાહાકાર મચી જવા પામ્યો છે. રાજ્યમાં કોરોનાની સાથે સાથે ઓમિક્રોન પણ બીલી પગે આગળ વધી રહ્યો છે.
આ 9 દર્દીઓમાંથી 7 મહિલાઓ અને 2 પુરુષોનો સમાવેશ થાય છે. જે પૈકી સાત તો યુકે, ટાન્ઝાનિયા, દુબઈ, કોંગો આફ્રિકાથી આવેલા છે. રાજ્યમાં અમદાવાદમાં ઓમીક્રોનના 7 કેસ, જામનગરમાં 3 કેસ, વડોદરામાં 3 કેસ, આણંદ 3 કેસ, મહેસાણામાં 3 કેસ, સુરતમાં 2 કેસ, ગાંધીનગરમાં 1 કેસ અને રાજકોટમાં 1 કેસ નોંધાઈ ચુક્યો છે.
ઓમિક્રોન વેરિએન્ટના લક્ષણો:
ઓમિક્રોન વેરિએન્ટના લક્ષણોમાં થાક લાગવો, શરીરમાં દુઃખાવો થવો,માથામાં ખુબ જ દુખાવો થવો વગેરે જેવા લક્ષણોનો સમાવેશ થાય છે.
Trending News
Omicron સંક્રમિતોમાં નથી જોવા મળતા કોરોના જેવા આ લક્ષણો:
નાક બંધ રહેવું, ખૂબ વધારે તાવ આવવો આ પ્રકારના લક્ષણો ઓમિક્રોનથી સંક્રમિત થયેલા દર્દીઓમાં જોવા મળતા નથી.
જાણો કેમ છે અત્યંત ખતરનાક ઓમિક્રોન?
ઓમિક્રોન વાયરસે સમગ્ર વિશ્વમાં હાહાકાર મચાવ્યો છે. અત્યાર સુધી દુનિયાભરના કુલ 35 જેટલા દેશોમાં ઓમિક્રોને દશેહત ફેલાવી છે. બીજી લહેર લાવનાર ડેલ્ટાથી ઓમિક્રોન 5 ગણો વધુ ઝડપથી ફેલાય છે. જેનો અંદાજો આ આંકડા પરથી લગાવી શકાય છે કે ડેલ્ટા વેરિએન્ટ જેટલો 100 દિવસમાં ફેલાયો હતો ઓમિક્રોન તેટલો માત્ર 15 દિવસમાં જ ઘણા ખરા લોકોને સંક્રમિત કરી રહ્યો છે. ડરની વાત એ છે કે, આ વાયરસનું સંક્રમણ હોવા છતા પણ રિપોર્ટમાં પકડાતો નથી. ઓમિક્રોન વાયરસ ઝડપી સંક્રમિત કરનારો વેરિઅન્ટ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.