કલાકો સુધી કાદવમાં ફસાયેલી રહી ગૌમાતા- દોઢ કલાકની ભારે જહેમત બાદ બહાર કાઢવામાં મળી સફળતા

ભરૂચ(ગુજરાત): એક ગાય ઝાડેશ્વર મંદિર પાસે આવેલા ગાયત્રી મંદિરના નદી કિનારે ફરતી હતી. ત્યારે અચાનક ગાય નદીના કાદવમાં ફસાઈ ગઈ હતી. ગાયએ બહાર નીકળવા માટે ઘણું જોર લગાવ્યું હતું પરંતુ તે બહાર નીકળી શકી ન હતી. તેથી તે થાકી બેસી ગઈ હતી.

જયારે આસપાસના લોકોને સમગ્ર મામલે જાણ થઇ ત્યારે લોકોએ જીવદયાપ્રેમી સંસ્થા નેચેર પ્રોટેક્શન ચેરિટેબલ ટ્રસ્ટ અને ભરૂચ નગરપાલિકાના ફાયર બ્રિગેડને જાણ કરી હતી.

માહિતી મળતાની સાથે જ બંને ટીમ તાત્કાલિક ઘટના સ્થળ પર પહોંચી ગઈ હતી. ત્યારબાદ જીવદયાપ્રેમી સંસ્થા અને ફાયર બ્રિગેડ ગાયનું રેસ્ક્યુની કામગીરી શરુ કરવામાં આવી હતી. અંદાજિત દોઢ કલાકની ભારે જહેમત બાદ ગાયને સહીસલામત બહાર કાઢવામાં સફળતા મળી હતી. સ્થાનિક લોકો ગાયને સલામત રીતે બહાર જોઇને ખુબ ખુશ હતા.