નવસારી: ટાયર ફાટતાં કાર ડિવાઈડર કુદાવીને રોંગ સઈડમાં ઘૂસી જતાં બીજી કાર સાથે અથડાતા સર્જાયો જીવલેણ અકસ્માત

રાજ્યમાંથી અવારનવાર માર્ગ અકસ્માતની ઘટના સામે આવતી હોય છે. ઘણીવાર તો અકસ્માત તો એટલાં ભયંકર હોય છે કે, જેને કારણે અનેક લોકોને પોતાનો તથા પોતાના સ્વજનોનો જીવ ગુમાવવાનો વારો આવતો હોય છે. હાલમાં આવી જ એક માર્ગ અકસ્માતની ઘટના રાજ્યમાં આવેલ નવસારી જીલ્લામાંથી સામે આવી રહી છે.

નવસારી હાઈવે પર ગમખ્વાર અકસ્માત સર્જાયો હતો. ચીખલી તાલુકાના આલીપોર હાઈવે નજીક ઓવરબ્રિજ અકસ્માત સર્જાયો છે. જેમાં વલસાડથી સુરત તરફ જઈ રહેલ હોન્ડા સિટી કારનું ટાયર ફાટ્યું હતું. જેને કારણે કાર મુંબઈ અમદાવાદનો ટ્રેક કુદાવીને સામેની સાઈડ જતી રહી હતી.

અમદાવાદ મુંબઈ ટ્રેક પર ફંગોળાયેલી કાર સામેથી આવી રહેલ કાર સાથે અથડાઈ હતી. જેને કારણે કારમાં સવાર એક વ્યક્તિનું ઘટનાસ્થળ પર જ મોત થયું હતું. જ્યારે બીજા કુલ 3 લોકોને ગંભીર ઈજા પહોંચતા સારવાર માટે હોસ્પિટલમાં લઈ જવામાં આવ્યાં હતાં.

વલસાડથી વડોદરા તરફ જઈ રહેલ સર્જાયો અકસ્માત :
નવસારી જિલ્લાના ચીખલી તાલુકા નજીક આવેલ આલીપોર હાઇવે નજીક ઓવરબ્રિજ પાસેથી વલસાડથી સુરત તરફ જઈ રહેલ મૂળ વલસાડના ખુશાલભાઈ ભારતીની હોન્ડાસિટી કારનું ટાયર ફાટી જતા મુંબઈ અમદાવાદનો ટ્રેક કુદાવીને કાર અમદાવાદ મુંબઈ ટ્રેક પર ફંગોળાઈ હતી.