સુરતમાં ઇન્ટરનેશનલ ક્રિકેટ મેચમાં સટ્ટો રમાડતો ઝડપાયો, હજારોનો મુદ્દામાલ પકડાયો

સુરત શહેરમાં ગુનાખોરીનો ગ્રાફ વધી રહ્યો છે. તેને રોકવા માટે પોલીસ કમિશનર અજયકુમાર તોમરે સુચના આપી છે કે શહેર વિસ્તારમાં દારૂ-જુગારની ગેરકાયદેસરની પ્રવૃત્તિ અટકાવવાની અને પોલીસને જાગૃત રહેવાની સૂચના આપી છે.

એવામાં ગઈકાલે ડીસીબીના કોન્સટેબલ ને બાતમી મળી હતી કે અડાજણ પ્રાઈમ આર્કેડ પાસે જોગણી દર્શન સોસાયટીમાં દર્શન ફ્લેટ નંબર 107 માં જેપી નામનો વ્યક્તિએ ઓસ્ટ્રેલિયા ઇંગ્લેન્ડ ક્રિકેટ ટીમની મેચ પર ગ્રાહકો પાસેથી ફોન ઉપર પૈસા લગાવી સટ્ટો રમાડતો હતો.

ત્યારબાદ પોલીસે ત્યાં રેડ કરી ને રોકડા રૂપિયા 84,000 તેમજ મોબાઈલ 3 નંગ તેમજ ટીવી એક નંગ જપ્ત કર્યા. આમ પોલીસે ઘટના સ્થળ પરથી કુલ ૯૫ હજારનો મુદ્દામાલ કબજે કર્યો હતો. તેમજ બીજા આરોપી યોગેશભાઈ પાટણ જેમના પુરાનામની ખબર નથી તેને વોન્ટેડ જાહેર કરવામાં આવ્યો છે. આ બંને વિરુદ્ધ પોલીસે કાયદેસરની કાર્યવાહી હાથ ધરી છે.