આતંકી હુમલાથી હચમચી ઉઠ્યો દેશ- આતંકવાદીઓએ પોલીસ સ્ટેશનમાં ઘુસી કર્યો બ્લાસ્ટ, 12 પોલીસકર્મીઓના મોત

Terrorist Attack in Pakistan: પાકિસ્તાનના ખૈબર પખ્તુનખ્વા (Khyber Pakhtunkhwa)માંથી મોટા આતંકી હુમલાના સમાચાર સામે આવી રહ્યા છે. હુમલામાં આતંકીઓએ ફરી એક પોલીસ સ્ટેશનને નિશાન બનાવ્યું છે. મળતી માહિતી મુજબ ફિદાયીન આતંકવાદીઓ (Fidayeen terrorist)એ પોલીસ સ્ટેશનમાં ઘૂસીને પોતાની જાતને ઉડાવી દીધી હતી. જેના કારણે 12 લોકોના મોત (12 people died in attack)ના સમાચાર સામે આવી રહ્યા છે, જ્યારે 40થી વધુ લોકો ઘાયલ હોવાનું કહેવાય છે.

આતંકી હુમલામાં 12 પોલીસકર્મીઓના મોત:

આતંકવાદીઓએ આ હુમલો ખૈબર પખ્તુનખ્વાના માલાકંદ ડિવિઝનના સ્વાત જિલ્લાના કબાલ પોલીસ સ્ટેશન પર કર્યો છે. એક પોલીસ અધિકારીએ માહિતી આપી છે કે પોલીસ સ્ટેશનની અંદર ઓછામાં ઓછા બે બ્લાસ્ટ થયા હતા. સમગ્ર વિસ્તારની પોલીસને હાઈ એલર્ટ પર રાખવામાં આવી છે. જિયો ન્યૂઝના અહેવાલ મુજબ આતંકી હુમલામાં 12 પોલીસકર્મીઓના મોત થયા છે.

 

પોલીસ સ્ટેશનની અંદર 2 બ્લાસ્ટ:

પોલીસ પાસેથી મળેલી માહિતી અનુસાર, આતંકી હુમલાની આશંકા જણાવવામાં આવી રહી છે. ખૈબર પખ્તુનખ્વાના પોલીસ મહાનિરીક્ષક અખ્તર હયાત ખાને જણાવ્યું છે કે પોલીસ સ્ટેશનની અંદર 2 બ્લાસ્ટ થયા હતા. બ્લાસ્ટ એટલો જોરદાર હતો કે પોલીસ સ્ટેશનની આખી ઈમારત ધરાશાયી થઈ ગઈ.