November 24, 2024
ગુજરાત(Gujarat): રાજ્યમાં કોરોના(Corona)ની સાથે સાથે હવે ઓમિક્રોન(Omicron)ના કેસોમાં પણ દિવસેને દિવસે વધારો થઇ રહ્યો છે. ત્યારે હવે રાજ્યની જનતા પણ ચિંતિત બની ગઈ છે. ત્યારે રાજ્યમાં સરકાર દ્વારા રાત્રી કર્ફ્યું લાદી દેવામાં આવ્યો છે. ત્યારે અમુક તત્વો પોતાને કઈક માણી બેઠા હોય તેવું લાગીં રહ્યું છે. કારણ કે, રાત્રી કર્ફ્યું દરમિયાન સરકારની ગાઈડલાઈન્સ(Guidelines)ના લીલેલીરા ઉડાવતો વધુ એક વિડીયો વાયરલ(Viral video) થવા પામ્યો છે.
View this post on Instagram
નવા વર્ષની પૂર્વ સંધ્યાએ, રાત્રી કર્ફ્યુની જાણે મજાક ઉડાવી પોલીસ બેડાને પડકાર ફેંકતો એક વિડીયો સામે આવ્યો છે જેને લીધે પોલીસ પણ ચોંકી ઉઠી છે. સુરત(Surat)માં એક સરફિરા શખ્સે રાત્રીના કર્ફ્યું દરમિયાન એક સિટર બુલેટ પર, મિત્રના ખભે બેસી સિગારેટના દમ ભરી, એ બતાવી દીધું કે ગમે તેવા રાત્રી કર્ફ્યું વચ્ચે કાયદો અમે અમારા ખીસામાં લઈને ફરી રહ્યા છીએ. આ વિડીયો વાયરલ થતાની સાથે જ સુરતના પોલીસ બેડામાં ભારે ચકચાર મચી જવા પામી છે. મળતી માહિતી અનુસાર, પોરબંદર બાજુનો મનાતો નિક ઓડેદરા રીઢો કહેવાતો ગુનેગાર છે જેના નામે કેટલાય ગુના નોંધાઈ ચુક્યા છે.
Trending News
રાજ્ય સરકાર દ્વારા રાજ્યમાં રાત્રી કર્ફયુનો કડકાઈથી અમલ કરવાના આદેશ આપી દેવામાં આવ્યા છે. ત્યારે સુરતમાં ટ્રાફિક વિભાગ અને પોલીસ રાત્રી કર્ફ્યું દરમિયાન ઊંઘતી ઝડપાઈ છે. શહેરમાં રાત્રી કર્ફ્યુના ધજાગરા ઉડાવતો વીડિયો હાલમાં સોશિયલ મીડિયામાં વાયરલ થયો છે. મોડી રાતે જાહેરમાં સ્ટંટ કરતો વીડિયો વાયરલ થતા હવે પોલીસ તંત્ર સામે પણ અનેક પ્રકારના પ્રશ્નો ઉદભવી રહ્યા છે.
નિક ઓડેદરા નામના યુવકે હાથમાં બંદૂક રાખીને જાહેરમાં જ વિડીયો ઉતાર્યો છે. સાથે જ બાઈક પર બાઈક ચાલકની ઉપર બેસીને સવારી કરતો આ વીડિયોમાં જોવા મળી રહ્યો છે. અમે તમને જણાવી દઈએ કે, નિક ઓડેદરા સામે કેટલાય ગુનાઓ નોંધાઈ ચૂક્યા છે. પરંતુ જાણે કાયદાને જાણે ઘોળીને પી ગયો હોય તેમ તેનું વર્તન આ વિડીયોમાં જોવા મળી રહ્યું છે. ત્યારે પોલીસ દ્વારા આ યુવક સામે કાર્યવાહી થશે કે નહિ તેને લઈને પણ ચર્ચા તેજ બની છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.