November 24, 2024
બુધવારે એટલે કે 6 ઓક્ટોબર 2021 ના રોજ પેટ્રોલ અને ડીઝલના ભાવમાં ફરી વધારો થયો છે. આજે રાજધાની દિલ્હીમાં પેટ્રોલ(petrol) ની કિંમતમાં 30 પૈસા અને ડીઝલ(diesel) ના ભાવમાં 35 પૈસાનો વધારો(Petrol-diesel price hike) થયો છે. આજે ઉત્તરપ્રદેશની રાજધાની લખનઉમાં પણ પેટ્રોલ 100 ને પાર(Petrol Price) કરી ગયું છે. 24 સપ્ટેમ્બરથી ફરી એક વખત ઈંધણના ભાવમાં વધારો શરૂ થયો. આજના ભાવ વધારા બાદ દેશમાં ડીઝલના ભાવમાં પ્રતિ લિટર 2.80 પૈસાનો વધારો થયો છે. એક સપ્તાહમાં પેટ્રોલની કિંમતમાં 1.80 રૂપિયા પ્રતિ લીટરનો વધારો થયો છે.
ઇંધણના ભાવ સતત વધી રહ્યા છે અને તેમાં હજુ રાહતની કોઈ આશા નથી. હમણાં જ સોમવારે એક સરકારી અધિકારીએ કહ્યું હતું કે, ભારત પાસે કિંમતો વધારવાનું ટાળવાનો કોઈ વિકલ્પ નથી અને આંતરરાષ્ટ્રીય કિંમતોમાં સતત વધારાને કારણે ઓઈલ કંપનીઓ ગ્રાહકો પર બોજ નાખવા મજબૂર છે.
8 દિવસમાં પેટ્રોલ 1.75 પૈસા થયું મોંઘુ:
છેલ્લા 8 દિવસ બાદ પેટ્રોલની કિંમતમાં 1.75 રૂપિયા પ્રતિ લીટરનો વધારો થયો છે. ગયા સપ્તાહે મંગળવારથી વધવા લાગતા પેટ્રોલના ભાવ આજે પણ અટક્યા નથી. હા, ગયા બુધવાર અને આ સોમવાર વચ્ચે, ભાવ વધ્યા નથી. કોઈપણ રીતે, આ સમયે ક્રૂડ ઓઇલ(Crude Oil Prices) ના ભાવ ફરી એક વખત $ 82 ને પાર કરી ગયા છે. તેથી જ તમામ પેટ્રોલિયમ પેદાશો(Petroleum Products) મોંઘી થઈ રહી છે. જો પેટ્રોલની કિંમતો પર નજર કરીએ તો છેલ્લા એક સપ્તાહમાં જ તે 1.75 પૈસા પ્રતિ લીટર મોંઘુ થયું છે.
Trending News
ડીઝલ દસ દિવસમાં 2.80 રૂપિયા થયું મોંઘુ:
વ્યવસાયિક દૃષ્ટિકોણથી, ડીઝલનું ઉત્પાદન પેટ્રોલ કરતા વધુ ખર્ચાળ છે. પરંતુ ભારતમાં ખુલ્લા બજારમાં પેટ્રોલ મોંઘુ વેચાય છે અને ડીઝલ સસ્તું વેચાય છે. જોકે, છેલ્લા 11 કામકાજના દિવસોમાં પેટ્રોલ કરતાં ડીઝલ મોંઘુ થયું છે. આટલા દિવસોમાં તે 2.80 રૂપિયા મોંઘુ થઈ ગયું છે. ભોપાલમાં ડીઝલની કિંમત 100 રૂપિયા પ્રતિ લીટરને પાર કરી ગઈ છે.
ક્રૂડતેલનું બજારમાં આવી તેજી:
વિશ્વભરમાં કાચા તેલની માંગ વધી રહી છે. એવું માનવામાં આવતું હતું કે જેમ જેમ કાચા તેલની માંગ વધી રહી છે તેમ તેમ તેનું ઉત્પાદન પણ વધશે. પરંતુ ઓપેકે પ્રતિદિન માત્ર ચાર લાખ બેરલ ઉત્પાદન વધારવાનો નિર્ણય કર્યો છે. આ કારણે આંતરરાષ્ટ્રીય બજારમાં ક્રૂડ ઓઇલના ભાવ દરરોજ વધી રહ્યા છે. ગઈકાલે કારોબારના અંતે, બ્રેન્ટ ક્રૂડ $ 82.50 ની ઉપર ગયો. તે દિવસે યુએસ માર્કેટમાં બ્રેન્ટ ક્રૂડ $ 1.30 વધીને $ 82.56 પ્રતિ બેરલ પર બંધ થયું હતું. WTI ક્રૂડ પણ 1.11 ડોલર વધીને 78.73 ડોલર પ્રતિ બેરલ પર સમાપ્ત થયું.
અહી ઉલ્લેખનીય છે કે, દરરોજ સવારે 6 વાગ્યે પેટ્રોલ અને ડીઝલના ભાવમાં ફેરફાર થાય છે. સવારે 6 વાગ્યે નવી કિંમતો લાગુ થઇ જાય છે. પેટ્રોલ તથા ડીઝલની કિંમતમાં ડીલર કમિશન, એક્સાઈઝ ડ્યૂટી અને અન્ય વસ્તુઓ જોડ્યા બાદ તેમના ભાવ બમણા થઈ જાય છે. આંતરરાષ્ટ્રીય બજારોમાં ક્રુડ ઓઈલનો ભાવ શું છે તેને આધારે પેટ્રોલ અને ડીઝલના ભાવમાં ફેરફાર થાય છે. જેના માપદંડોને આધારે પેટ્રોલના ભાવ અને ડીઝલના ભાવ નક્કી કરવાનું કામ તેલ કંપનીઓ કરે છે.
પેટ્રોલ-ડિઝલનો ભાવ તમે SMS દ્વારા પણ જાણી શકો છો. ઇંડિયન ઓઇલની વેબસાઇટ અનુસાર તમારે RSP અને તમારા શહેરનો કોડ લખીને 9224992249 નંબર મોકલવાનો રહેશે. જયારે બીપીસીએલ ગ્રાહકો RSP લખીને 9223112222 પર મેસેજ મોકલવાનો રહેશે અને એચપીસીએલ ગ્રાહકો HPPrice લખીને 9222201122 પર મેસેજ કરીને પેટ્રોલ-ડિઝલનો ભાવ જાણી શકશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.