PM ફંડમાં ઉઘરાવેલ રકમ અંગે પ્રશ્ન પૂછતાં PMO ચુપ, ખુદ PMO ને જ નથી ખબર કે કેટલી રકમ આવી

પ્રવાસી મજૂરોને તેમના ઘરે પહોંચાડવા માટે ભારતીય રેલવે દરેક પાસેથી ૫૦ રૂપિયા વધુ ભાડું વસૂલે છે. કર્ણાટક ભાજપ સરકારે તો ઘરે પરત ફરનાર પ્રવાસી મજૂરો પાસેથી બે ગણું ભાડું લેવાની જાહેરાત કરી દીધી છે. આની પાછળનું તર્ક એ છે કે જે વાહનો તેમને મોકલવામાં આવશે તે ખાલી પાછા આવવાના છે. આ ‘આર્થિક સમજદારીનો’ કોયડો હજી ઉકેલ આવ્યો ન હતો ત્યાં જ ‘પીએમ કેયર્સ ફંડનો’ બીજો કોયડો અટવાઈ ગયો છે.

PM કેયર્સ ફંડમાં લોકોએ દિલ ખોલીને દાન આપ્યું છે. કંપનીએ ભલે પોતાના કર્મચારીનો પગાર નથી ચૂકવ્યો, પણ PM કેયર્સ ફંડમાં દાન આપવામાં પાછા પડ્યા નથી. આલોચકોનું કહેવું છે કે આ ફંડ પારદર્શી નથી તેમજ પક્ષપાતી છે. PM કેયર્સ ફંડમાં લેવામાં આવેલ દાન કોર્પોરેટ સામાજિક જવાબદારી હેઠળ ગણી શકાય છે, પરંતુ મુખ્યમંત્રી ફંડમાં સમાન અધિકારી મળતો નથી. આ લોકોનું કહેવું છે કે આ ફંડનો મુખ્ય ઉદ્દેશ પ્રધાનમંત્રીનું મહિમા મંડન કરવાનો છે.

આ ફંડનું નિર્માણ COVID-19 જેવી કોઈપણ પ્રકારની બિમારી દરમ્યાન ઉત્પન્ન આપત અને સંકટની સ્થિતિ સામે લડવા માટે તેમ જ પ્રભાવિત લોકોને રાહત પ્રદાન કરવા માટે ના ઉદ્દેશથી થયું છે. તો સ્પષ્ટ વાત છે કે, આ ફંડનો ઉપયોગ લોકડાઉન દરમ્યાન એક મહિના સુધી આજીવિકા વગર રહેવાવાળા લાખો પ્રવાસી મજૂરોને સંકટની સ્થિતિમાંથી બહાર કાઢવા પણ થવો જોઈએ.