જાણો શું છે “દ્રષ્ટિ સહસ્ત્ર ચંદ્ર”? PM મોદીએ કેમ જો બિડેનને આપી આ ખાસ ભેટ

PM Modi US Visit What is Drishtasahastrachandro: વડા પ્રધાન નરેન્દ્ર મોદી બુધવારે (10 જૂન) ના રોજ વ્હાઇટ હાઉસ પહોંચ્યા હતા, જ્યાં યુએસ પ્રમુખ જો બિડેન અને ફર્સ્ટ લેડી જીલ બિડેન દ્વારા તેમનું ઉષ્માભર્યું સ્વાગત કરવામાં આવ્યું. પીએમ મોદીએ વ્હાઇટ હાઉસમાં જો બિડેનને ખાસ ભેટ આપી. પીએમ મોદીએ અમેરિકી રાષ્ટ્રપતિને ચંદનનું બનેલું બોક્સ આપ્યું છે, જેને જયપુરના કારીગરોએ બનાવ્યું છે.

આ બોક્સમાં પીએમ મોદીએ જો બિડેનને ‘દ્રષ્ટિ સહસ્ત્રચંદ્રો’ નામની ગિફ્ટ આપી હતી. આ ભેટ સામાન્ય રીતે તે વ્યક્તિને આપવામાં આવે છે જેણે એક હજાર પૂર્ણિમાના ચંદ્રો જોયા છે. આ સિવાય તે 80 વર્ષ અને 8 મહિનાની ઉંમર પૂર્ણ કરનાર વ્યક્તિને પણ આપી શકાય છે. આ ભેટ હિન્દુ પરંપરાનો એક ભાગ છે.

Prime Minister Narendra Modi presents a special sandalwood box to US President Joe Biden that has been handcrafted by a master craftsman from Jaipur, Rajasthan. The sandalwood sourced from Mysore, Karnataka has intricately carved flora and fauna patterns. pic.twitter.com/fsRpEpKJ4W

— ANI (@ANI) June 22, 2023

ચંદનનું બોક્સ
વડાપ્રધાન નરેન્દ્ર મોદીએ અમેરિકી રાષ્ટ્રપતિને રાજસ્થાનના જયપુરના કારીગરો દ્વારા બનાવેલ ચંદનનું બોક્સ અર્પણ કર્યું. આ બોક્સ બનાવવા માટેનું ચંદન મૈસુર, કર્ણાટકમાંથી મંગાવવામાં આવે છે. બૉક્સમાં ભગવાન ગણેશની મૂર્તિ છે, જે અવરોધો દૂર કરનાર માનવામાં આવે છે અને તમામ દેવતાઓમાં સૌથી પહેલા તેની પૂજા કરવામાં આવે છે. આ મૂર્તિ કોલકાતાના સુવર્ણકારોની પાંચમી પેઢી દ્વારા બનાવવામાં આવી છે.