રાજ્યમાં નવી સ્ક્રેપ પોલિસીની જાહેરાત: 1લી ઓક્ટોબરથી ફિટનેસમાં નિષ્ફળ જનારા વાહનો ભંગારમાં જશે

વડાપ્રધાન નરેન્દ્ર મોદીએ શુક્રવારે વીડિયો કોન્ફરન્સિંગ દ્વારા ગુજરાત ઇન્વેસ્ટર સમિટને સંબોધી કર્યું હતું. આ કાર્યક્રમ અમદાવાદમાં થયો હતો, કેન્દ્રીય મંત્રી નીતિન ગડકરી આ દરમિયાન અમદાવાદમાં હાજર હતા. વડાપ્રધાન નરેન્દ્ર મોદીએ અહીં નેશનલ ઓટોમોબાઈલ સ્ક્રેપિંગ પોલિસી પણ લોન્ચ કરી હતી. પીએમ મોદીએ કહ્યું હતું કે, આનાથી દેશમાં સકારાત્મક પરિવર્તન આવશે. દેશના અર્થતંત્ર માટે ગતિશીલતા એક મોટું પરિબળ છે, તે આર્થિક વિકાસમાં ખૂબ મદદરૂપ છે.

પીએમ મોદીએ કહ્યું હતું કે, નવી સ્ક્રેપિંગ પોલિસી વેસ્ટ વેલ્થના મંત્રને આગળ વધારશે. પીએમે કહ્યું હતું કે, આગામી 25 વર્ષ દેશ માટે ખૂબ મહત્વના છે, જે રીતે ટેકનોલોજી બદલાઈ રહી છે તે મુજબ આપણે બદલાવ લાવવો પડશે. આપણે આબોહવા પરિવર્તનના પડકારનો પણ સામનો કરી રહ્યા છીએ, તેથી આપણા હિતમાં મોટા પગલા લેવા જરૂરી છે.

વડા પ્રધાન નરેન્દ્ર મોદીએ જણાવ્યું હતું કે, સ્ક્રેપ કરેલા વાહન માટે પ્રમાણપત્ર ઉપલબ્ધ થશે, રજિસ્ટ્રેશન મની પર ડિસ્કાઉન્ટ નવું વાહન ખરીદવા પર મળશે અને રોડ ટેક્સ પર પણ છૂટ મળશે. પીએમ મોદીએ કહ્યું હતું કે, વૈજ્ઞાનિક રીતે પરીક્ષણ કર્યા બાદ વાહનોને રદ કરવામાં આવશે, ત્યારબાદ આગળની પ્રક્રિયા કરવામાં આવશે. વડા પ્રધાન નરેન્દ્ર મોદીએ કહ્યું હતું કે, આ યોજનાથી ઓટો-મેટલ ઉદ્યોગને પ્રોત્સાહન મળશે, તેમજ સ્ક્રેપિંગ ક્ષેત્રમાં કામ કરતા લોકોને મોટો ફાયદો થશે. પીએમ મોદીએ કહ્યું હતું કે, ઉદ્યોગના લોકો પાસે આગામી 25 વર્ષ માટે આત્મનિર્ભર ભારતનો રોડમેપ હોવો જોઈએ. જૂની નીતિઓ બદલવી પડશે અને નવી નીતિ પર કામ કરવું પડશે.

પ્રધાનમંત્રી નરેન્દ્ર મોદીએ કહ્યું હતું કે, તે ઇથેનોલ હોય, હાઇડ્રોજન ફયુલ હોય કે ઇલેક્ટ્રિક મોબિલિટી, સરકારની આ પ્રાથમિકતાઓ સાથે, ઉદ્યોગની સક્રિય ભાગીદારી ખૂબ મહત્વની છે. આર એન્ડ ડી થી ઇન્ફ્રાસ્ટ્રક્ચર સુધી, ઉદ્યોગે તેનો હિસ્સો વધારવો પડશે. આ માટે તમને જે પણ મદદની જરૂર છે, સરકાર તે આપવા તૈયાર છે. તમને જણાવી દઈએ કે, ગુજરાતમાં દર વર્ષે આવી રોકાણકાર સમિટનું આયોજન કરવામાં આવે છે, જેની શરૂઆત ખુદ વડાપ્રધાન નરેન્દ્ર મોદીએ કરી હતી. શુક્રવારે યોજાયેલા આ કાર્યક્રમમાં કુલ સાત કંપનીઓએ સરકાર સાથે એમઓયુ સાઈન કર્યા છે. જેમાં ગુજરાતની 6 અને આસામની એક કંપનીનો સમાવેશ થાય છે.