અઠવાલાઈન્સ પોલીસના પોતાના નિયમો- પોલીસે માસ્ક નહી પહેરવાનું અને હાલ્ફ પેન્ટ પહેરીને જનતા પોલીસ સ્ટેશનમાં ન આવી શકે

સુરતમાં અવાર-નવાર પીલીસની દાદાગીરીના વિડીયો સામે આવતા રહે છે . ત્યારે આજરોજ અઠવાલાઈન્સ પોલીસનો એક વિડીયો વાઈરલ થઇ રહ્યો છે. અઠવાલાઈન્સ પોલીસે કર્ફ્યૂ ભંગના ગુનામાં બે યુવકોની ધરપકડ કરી હતી, જેમને છોડાવવા એક જામીનદાર ચડ્ડો પહેરીને પોલીસ સ્ટેશને ગયા હતા. માત્ર આ નાનકડી વાતમાં પોલીસ સ્ટેશનમાં હોબાળો મચી ગયો હતો.

યુવકને છોડાવવા આવેલ જામીનદાર ચડ્ડો પહેરીને પોલીસ સ્ટેશન આવતા પોલીસે ખાખીનો પાવર બતાવીને રોફ જમાવતા કહ્યું હતું કે, “પેન્ટ પહેરીને આવો.”

જોકે, ત્યાર પછી જામીનદારે પોલીસ સમક્ષ આજીજી કરી હતી. જોકે, તે પછી તેમની સથે આવેલા મિત્રએ જામીનદારને કહ્યું હતું કે, તું મારું પેન્ટ પહેરી લે. ત્યાર બાદ તેણે પોલીસને પૂછ્યું હતું કે, “સાહેબ ચેન્જિંગ રૂમ ક્યાં છે.”

આ સાંભળતાં જ પોલીસ કર્મીએ ગુસ્સે થઈને કહ્યું હતું કે, ‘પોલીસ સ્ટેશનમાં ચેન્જિંગ રૂમ ન હોય. તમે ગાર્ડનમાં બદલી નાખો. આ બાપનો બગીચો નથી.’ આ પછી પણ આ મુદ્દે સતત રકઝક ચાલી હતી અને પોલીસ તથા જામીનદાર સામસામે આવી ગયા હતા.