September 29, 2024
અજમેર(Ajmer) જિલ્લાના બંદર સિન્દ્રી પોલીસ સ્ટેશન(Sindri Police Station) વિસ્તારમાં એક દર્દનાક માર્ગ અકસ્માત થયો. આ અકસ્માત(Accident) નેશનલ હાઈવે 8 પર થયો હતો. હાઈવે પર, એક બેકાબૂ કારે નાકાબંધી પોઈન્ટ પર તૈનાત પોલીસકર્મી(Policeman)ને કચડી નાખ્યો હતો. આ પછી કાર ચાલકે સ્થળ પરથી ભાગવાનો પ્રયાસ કર્યો હતો પરંતુ તેનો પ્રયાસ નિષ્ફળ ગયો હતો. સ્થળ પર તૈનાત અન્ય પોલીસકર્મીઓએ કાર ચાલકને પકડી લીધો હતો.
આ અકસ્માતમાં કોન્સ્ટેબલ સૂર્યપ્રકાશ ગુર્જરનું ઘટનાસ્થળે જ કરૂણ મોત નીપજ્યું હતું. મામલાની માહિતી મળતાં સ્ટેશન ઈન્ચાર્જ મંજુ મુલેવા ઘટનાસ્થળે પહોંચી ગયા હતા. જે બાદ તેમણે મૃતક કોન્સ્ટેબલના મૃતદેહને સરકારી હોસ્પિટલના શબઘરમાં મોકલી આપ્યો હતો. તેમજ અકસ્માતની માહિતી મેળવી હતી. મળતી માહિતી મુજબ, આ કાર જયપુરથી આવી રહી હતી અને કારમાં 2 લોકો સવાર હતા. પોલીસે કાર્યવાહી કરીને કારમાં સવાર બંને લોકોની ધરપકડ કરી હતી.
દિવંગત કોન્સ્ટેબલના નિધન નિમિત્તે શ્રદ્ધાંજલિ સભાનું આયોજન:
અકસ્માત પછી, કોન્સ્ટેબલના નશ્વર અવશેષોને રાજ્ય હોસ્પિટલના શબઘરથી બંદરસિન્દ્રી પોલીસ સ્ટેશન પરિસરમાં સંપૂર્ણ રાજ્ય સન્માન સાથે લાવવામાં આવ્યા હતા. સાથે જ પોલીસ સ્ટેશન પરિસરમાં જ સ્વર્ગસ્થ કોન્સ્ટેબલને શ્રદ્ધાંજલિ આપવામાં આવી હતી. આ દરમિયાન જિલ્લા પોલીસ કેપ્ટન વિકાસ શર્માએ પાર્થિવ દેહ પર પુષ્પ અર્પણ કર્યું હતું. આ દરમિયાન ધારાસભ્ય સુરેશ ઠક, ભાજપ નેતા વિકાસ ચૌધરી સહિત મોટી સંખ્યામાં લોકો હાજર રહ્યા હતા.
Trending News
શ્રદ્ધાંજલિ સભા દરમિયાન વાતાવરણ ગમગીન બની ગયું હતું. પોતાના સાથી કોન્સ્ટેબલને શ્રદ્ધાંજલિ આપતાં સાથી જવાનોની આંખો આંસુઓથી ભરાઈ ગઈ. કોન્સ્ટેબલ સૂર્યપ્રકાશ ગુર્જરના મોતની માહિતી મળતાં સમગ્ર ગામમાં શોકનું મોજું પ્રસરી ગયું હતું. ગામડાના બજારો સદંતર બંધ રહ્યા હતા. કોન્સ્ટેબલ સૂર્ય પ્રકાશના અંતિમ સંસ્કાર તેમના વતન ગામ ફાગી નજીક લબાના ખાતે સંપૂર્ણ રાજ્ય સન્માન સાથે કરવામાં આવ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.