October 18, 2024
પીએમ નરેન્દ્ર મોદી(Narendra Modi)ના સંસદીય ક્ષેત્ર વારાણસી કાશી(Varanasi Kashi)ના ગંગા ઘાટ પર બિન-હિંદુઓના પ્રવેશ પર પ્રતિબંધ(Ban on entry of non-Hindus) મૂકતા પોસ્ટરો લગાવવામાં આવ્યા હતા. આ પોસ્ટરો વિશ્વ હિન્દુ પરિષદ(VHP) અને બજરંગ દળ(Bajrang Dal) દ્વારા લગાવવામાં આવ્યા હતા. કાશીના ગંગા ઘાટ ઉપરાંત વધુ મંદિરોમાં આવા પોસ્ટરો લગાવવાની યોજના છે. હાલ પોલીસ આ મામલે બોલવાનું ટાળી રહી છે. જો કે પોલીસ તરફથી આ પોસ્ટરો હટાવવાની કામગીરી કરવામાં આવી રહી છે. બીજી તરફ બજરંગ દળ કાશી મહાનગરના કન્વીનર નિખિલ ત્રિપાઠી ‘રુદ્ર'(Nikhil Tripathi ‘Rudra’) કહે છે કે હવે હિન્દુ સમાજે પોતાની તાકાત બતાવીને ધર્મ અને સમાજની રક્ષા માટે આગળ આવવું પડશે. બધું સરકાર પર છોડી ન શકાય. જ્યાં પણ કોઈ વિધર્મી મંદિરમાં કે ગંગા ઘાટના કિનારે પ્રવેશ કરશે તો તેને સ્થળ પર જ પકડીને પોલીસને હવાલે કરવામાં આવશે.
આ પોસ્ટર VHP અને બજરંગ દળ તરફથી પંચગંગા ઘાટ, રામઘાટ, મણિકર્ણિકા ઘાટ, દશાશ્વમેધથી લઈને કાશીના લગાયત અસ્સી ઘાટ સુધી લગાવવામાં આવ્યા છે, જેમાં સ્પષ્ટ રીતે લખવામાં આવ્યું છે કે ગંગા ઘાટ પર બિન-હિંદુઓના પ્રવેશ પર પ્રતિબંધ છે. કાશીમાં આ પોસ્ટરો લગાવ્યા બાદ હવે વિશ્વ હિન્દુ પરિષદ અને બજરંગ દળે સમગ્ર કાશીના મંદિરોમાં આવા પોસ્ટરો લગાવવાની વાત કરી છે. VHPના મહાનગર મંત્રી રાજન ગુપ્તા કહે છે કે, મંદિર અને ગંગા ઘાટ સનાતન ધર્મના લોકો માટે આસ્થા અને આદરનું સ્થાન છે, અહીં અન્ય ધર્મના લોકોનું શું કામ છે? વિશ્વ હિન્દુ પરિષદના મહાનગર અધ્યક્ષ કન્હૈયા સિંહે કહ્યું કે ધર્મની રક્ષા માટે આવું કરવામાં આવી રહ્યું છે.
દરમિયાન, ગંગા ઘાટ અને વારાણસીના ઘણા મંદિરોમાં આવા બેનરો લગાવવાને લઈને સમાજવાદી પાર્ટી તરફથી પ્રતિક્રિયા આવી છે. સમાજવાદી પાર્ટીએ તેને ભાજપ અને વિશ્વ હિન્દુ પરિષદ દ્વારા ધાર્મિક ધ્રુવીકરણનું ષડયંત્ર ગણાવ્યું છે. મહામૃત્યુંજય મંદિર પરિવાર સાથે જોડાયેલા અને સમાજવાદી પાર્ટી યુવા સભાના જિલ્લા અધ્યક્ષ કિશન દીક્ષિત કહે છે કે વારાણસીમાં લોકો કોઈપણ રીતે તમામ ધર્મોના ધાર્મિક સ્થળોનું સન્માન કરે છે. સામાન્ય રીતે ન તો કોઈ મુસ્લિમ મંદિરમાં જાય છે અને ન તો કોઈ હિંદુ મસ્જિદમાં પહોંચે છે. ત્યારે આવા બેનરો લગાવવા અયોગ્ય છે. સપા નેતાનું કહેવું છે કે ભાજપ પાસે હવે કોઈ મુદ્દો બચ્યો નથી, તેથી હવે ધાર્મિક ધ્રુવીકરણ કરીને સમાજમાં વાતાવરણ બગાડવાના પ્રયાસો થઈ રહ્યા છે.
Trending News
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.