બોર્ડની પરીક્ષા માટે આ રીતે કરો તૈયારી વાંચેલું રહી જશે યાદ- પરીક્ષાના આગલા દિવસે આવી રીતે કરો રિવિઝન

Board Exam Tips: લગભગ તમામ બોર્ડની પરીક્ષાઓ નજીક આવી રહી છે. બોર્ડની પરીક્ષાએ દરેક વિદ્યાર્થીના જીવનમાં મહત્વનો તબક્કો હોય છે. આ પરીક્ષાઓમાં(Board Exam Tips) સારા માર્ક્સ મેળવી વિદ્યાર્થીનું ભવિષ્ય ઉજ્જવળ બને છે. બોર્ડની પરીક્ષાઓની તૈયારી કરવા માટે વિદ્યાર્થીઓએ અગાઉથી વ્યૂહરચના બનાવવી જોઈએ અને તે મુજબ અભ્યાસ કરવો જોઈએ.

ટાઈમ ટેબલ બનાવો અને તેને અનુસરો
બોર્ડની પરીક્ષાઓની તૈયારી કરવા માટે સૌથી જરૂરી છે કે તમે ટાઈમ ટેબલ બનાવો અને તેનું પાલન કરો. ટાઈમ ટેબલ બનાવીને તમને ખબર પડશે કે તમારે દરરોજ કયા વિષયને કેટલો સમય આપવાનો છે.અભ્યાસક્રમ સમજીને પૂરો કરો.બોર્ડની પરીક્ષાઓની તૈયારી કરવા માટે સૌ પ્રથમ તમારે અભ્યાસક્રમ સમજવો પડશે. તમે સિલેબસને સમજ્યા પછી જ તેને પૂર્ણ કરી શકશો.

સોશિયલ મીડિયાથી અંતર રાખો
આ સમયે, વિદ્યાર્થીઓ માટે સૌથી મહત્વપૂર્ણ બાબત એ છે કે સોશિયલ મીડિયાથી સંપૂર્ણપણે દૂર રહેવું. આ સમયે સોશિયલ મીડિયા તમને બોર્ડમાં સારા માર્ક્સ મેળવવાના લક્ષ્યથી દૂર કરી દેશે. તેથી, વિદ્યાર્થીઓને બોર્ડની પરીક્ષાના અંત સુધી માત્ર સોશિયલ મીડિયાથી જ નહીં, પણ શક્ય હોય તો મોબાઈલ ફોનથી પણ દૂર રહેવા વિનંતી કરવામાં આવે છે.

આહાર પર પણ વિશેષ ધ્યાન આપો
બોર્ડ રિવિઝનની સાથે વિદ્યાર્થીઓએ તેમના આહારનું પણ ખાસ ધ્યાન રાખવું પડશે. પરીક્ષાની તૈયારી કરતી વખતે વિદ્યાર્થીઓએ હળવો ખોરાક લેવો જોઈએ. જો તેઓ ઈચ્છે તો વચ્ચે-વચ્ચે ફળો ખાઈ શકે છે, જેનાથી તેમનું સ્વાસ્થ્ય જળવાઈ રહેશે અને તેઓ ભણવામાં આળસ નહીં અનુભવે.