પપૈયાની ખેતી ખેડૂતોને કરે છે માલામાલ, એક જ સિઝનમાં થાય છે અધધધ કમાણી- જાણો A to Z માહિતી

Cultivation of Papaya: પપૈયા એક એવું ફળ છે જેની ઉપલબ્ધતા લગભગ 12 મહિના સુધી રહે છે. પરંતુ, આપણે બજારમાંથી જે પપૈયા ખરીદીએ છીએ તે સામાન્ય રીતે દક્ષિણ ગુજરાતમાંથી અથવા દેશના અન્ય રાજ્યોમાંથી આવે છે. ઔષધીય ગુણોથી ભરપૂર હોવાથી તેની માંગ પણ સારી છે. આ શક્યતાઓને ધ્યાનમાં રાખીને,કેટલાક ખેડૂતો પપૈયાની ખેતી કરી રહ્યા છે. જેમાં ખેડૂતોનું કહેવું છે કે, ત્રણ વિઘાના ખેતરમાં 1.5 લાખ જેટલો ખર્ચો આવે છે. ખેડૂત જમીન ભાડે રાખીને ખેતી કરે છે અને હાલ પપૈયાના(Cultivation of Papaya) છૂટક વેચાણમાં 40 થી 50 રૂપિયા ભાવ મળે છે.

ઓક્ટોબર અને માર્ચમાં પપૈયાનું વાવેતર
પપૈયાના છોડનું વાવેતર વર્ષમાં બે વખત ઓક્ટોબર અને માર્ચમાં કરવામાં આવે છે. વાવેતર દરમિયાન, લાઇનથી લાઇન અને છોડથી છોડ વચ્ચે 2-2 મીટરનું અંતર રાખો. આ રીતે, વાવેતર માટે પ્રતિ એકર લગભગ 1000 છોડની જરૂર પડશે.

એક વર્ષમાં એક એકરના ખેતરમાંથી 5 લાખ રૂપિયા સુધીની કમાણી શક્ય છે
પપૈયાનો એક છોડ એક વર્ષમાં સરેરાશ 40 થી 50 કિલો ફળ આપે છે. આ રીતે એક વર્ષમાં લગભગ 400 થી 500 ક્વિન્ટલ ફળોનું ઉત્પાદન થાય છે. જેના કારણે 1 વર્ષમાં 4 થી 5 લાખ રૂપિયાની ચોખ્ખી આવક થઈ શકે છે. એકવાર વાવેતર કર્યા પછી, છોડ 3 વર્ષ સુધી સારા ફળ આપી શકે છે.

જૈવિક ખેતીને લીધે ઉત્પાદિત ફળની ક્વોલિટી સુધરે છે
બાગાયતી ઉત્પાદન લેતા ખેડૂતો હવે પપૈયાની ખેતી પણ કરવા લાગ્યા છે. તેની પાછળનું કારણ એ છે કે પાક ફેરબદલીમાં પપૈયા એ સારૂં વળતર અપાવી દે છે. ત્યારે પપૈયાની ખેતીમાં માસ્ટરી મેળવી છે.જૈવિક ખેતીને લીધે ઉત્પાદિત ફળની ક્વોલિટી સુધરે છે. ફળની ટકાઉ શક્તિ વધે છે. છોડમાં વાયરસ ન જોવા મળતાં કે અન્ય રોગ ન આવતાં થડ તંદુરસ્ત રહેતાં ઉત્પાદન પણ વધે છે. રાસાયણિક ખાતરો ઝડપી ઉત્પાદન આપે પરંતુ લાંબા ગાળે એકમ વિસ્તારમાં ઉત્પાદન ઘટે છે.