મોટા સમાચાર: રાષ્ટ્રપતિની ચૂંટણીમાં આમ આદમી પાર્ટી આ ઉમેદવારના પક્ષમાં કરશે મતદાન

આમ આદમી પાર્ટી(AAP)એ નિર્ણય લીધો છે કે તે આગામી રાષ્ટ્રપતિની ચૂંટણી(Presidential election)માં વિપક્ષી ઉમેદવાર યશવંત સિન્હા(Yashwant Sinha)ને સમર્થન આપશે. આમ આદમી પાર્ટીના રાજ્યસભા સાંસદ સંજય સિંહે(Sanjay Singh) જાહેરાત કરી કે અમને દ્રૌપદી મુર્મુ(Draupadi Murmu) માટે સન્માન છે, પરંતુ અમે યશવંત સિંહાને સમર્થન આપીશું. આમ આદમી પાર્ટીએ પોતાની રાજકીય બાબતોની સમિતિની બેઠક બાદ આ નિર્ણય લીધો છે. અમે તમને જણાવી દઈએ કે, AAP એ તેના તમામ 11 PAC સભ્યો સાથે આ મુદ્દા પર દિલ્હીના મુખ્ય પ્રધાન અને AAP સંયોજક અરવિંદ કેજરીવાલ(Arvind Kejriwal)ના સિવિલ લાઇન્સના નિવાસસ્થાને બેઠક યોજી હતી, જ્યાં આ નિર્ણય લેવામાં આવ્યો હતો. આ બેઠકમાં અરવિંદ કેજરીવાલ, મનીષ સિસોદિયા, સંજય સિંહ, ગોપાલ રાય, આતિશી, એનડી ગુપ્તા, દુર્ગેશ પાઠક, પંકજ ગુપ્તા, રાઘવ ચઢ્ઢા, ઈમરાન હુસૈન અને રાખી બિરલા હાજર હતા.

“AAP will support Opposition’s Presidential candidate Yashwant Sinha. We respect Droupadi Murmu but we will vote for Yashwant Sinha,” says AAP MP Sanjay Singh

(File photo) pic.twitter.com/ESnHxtAN7s

— ANI (@ANI) July 16, 2022

સુહેલદેવ ભારતીય સમાજ પાર્ટીના રાષ્ટ્રીય અધ્યક્ષ ઓમપ્રકાશ રાજભરની ખિલેશ યાદવ પ્રત્યેની નારાજગી વિપક્ષના રાષ્ટ્રપતિ પદના ઉમેદવાર યશવંત સિન્હાને ડૂબાડી દેશે. સુભાસપના પ્રમુખ ઓપી રાજભરે તેમના કાર્ડ ખોલ્યા અને કહ્યું કે તેઓ અને તેમની પાર્ટી રાષ્ટ્રપતિની ચૂંટણીમાં NDA ઉમેદવાર દ્રૌપદી મુર્મુને સમર્થન કરશે. તમને જણાવી દઈએ કે 18 જુલાઈના રોજ રાષ્ટ્રપતિની ચૂંટણી માટે મતદાન થશે અને તે પહેલા સપા ગઠબંધનમાં સુભાષપના એનડીએ ઉમેદવારને સમર્થન આપવાથી વિપક્ષો હાવી થઈ શકે છે.

આ વખતે એક સાંસદના વોટની કિંમત 700:
દેશમાં યોજાનારી રાષ્ટ્રપતિની ચૂંટણી માટે 18 જુલાઈના રોજ મતદાન થશે. મતદાન દરમિયાન સાંસદો અને ધારાસભ્યોને અલગ-અલગ રંગના બેલેટ પેપર આપવામાં આવશે. સાંસદોને લીલા રંગના બેલેટ પેપર આપવામાં આવશે, જ્યારે ધારાસભ્યોને ગુલાબી રંગના બેલેટ પેપર આપવામાં આવશે. રાષ્ટ્રપતિની ચૂંટણીમાં ધારાસભ્યોનો મત તેઓ પ્રતિનિધિત્વ કરે છે તે રાજ્યની વસ્તી પર આધાર રાખે છે. આ વખતે એક સાંસદના વોટની કિંમત 700 છે. અલગ-અલગ રંગના બેલેટ પેપર હોવાથી રિટર્નિંગ ઓફિસરો માટે મતોની ગણતરી કરવામાં સરળતા રહેશે.