‘હું પણ 20 વર્ષથી અપમાન સહન કરી રહ્યો છું…’, PM મોદીએ ઉપરાષ્ટ્રપતિ ધનખડને કર્યો ફોન- દ્રૌપદી મુમુએ પણ વ્યક્ત કરી નિરાશા

PM Modi called Vice President Dhankhad: વડાપ્રધાન નરેન્દ્ર મોદીએ સાંસદો દ્વારા ઉપરાષ્ટ્રપતિ જગદીપ ધનખડની નકલ કરવાની ઘટનાને દુર્ભાગ્યપૂર્ણ ગણાવી છે. ઉપરાષ્ટ્રપતિએ સોશિયલ મીડિયા પર પોસ્ટ કરીને આ વાત કહી છે. તેમણે કહ્યું કે, પીએમ મોદીએ ફોન કરીને આ ઘટના પર શોક વ્યક્ત કર્યો છે. વડાપ્રધાને વાતચીત દરમિયાન એમ પણ કહ્યું કે, તેઓ પણ છેલ્લા 20 વર્ષથી આ પ્રકારનું અપમાન સહન કરી રહ્યા છે.(PM Modi called Vice President Dhankhad) એટલું જ નહીં રાષ્ટ્રપતિ દ્રૌપદી મુર્મુએ પણ આ ઘટનાને નિરાશાજનક ગણાવી છે.

સોશિયલ મીડિયા પ્લેટફોર્મ X (ટ્વિટર) પર પોસ્ટ કરતાં ઉપરાષ્ટ્રપતિએ કહ્યું, ‘પીએમ મોદી સાથે ટેલિફોન પર વાત કરી. તેમણે પવિત્ર સંસદ સંકુલમાં કેટલાક સાંસદોના ઘૃણાસ્પદ મિમિક્રી પર દુઃખ વ્યક્ત કર્યું. તેમણે મને કહ્યું કે તેઓ છેલ્લા વીસ વર્ષથી આવા અપમાન સહન કરી રહ્યા છે. ભારતમાં ઉપરાષ્ટ્રપતિ જેવા બંધારણીય પદ સાથે સંસદમાં આવું થાય તે દુર્ભાગ્યપૂર્ણ છે.

ઉપરાષ્ટ્રપતિએ પોતાની પોસ્ટમાં આગળ લખ્યું, ‘મેં તેમને (પીએમ મોદી) કહ્યું કે કેટલાક લોકોની ક્રિયાઓ મને મારી ફરજ નિભાવતા અને આપણા બંધારણમાં સમાવિષ્ટ સિદ્ધાંતોને જાળવી રાખવાથી રોકી શકે નહીં. હું એ મૂલ્યો માટે પૂરા દિલથી પ્રતિબદ્ધ છું. કોઈ અપમાન મને મારો રસ્તો બદલવા માટે દબાણ કરી શકશે નહીં.

દ્રૌપદી મુમુએ પણ વ્યક્ત કરી નિરાશા 
રાષ્ટ્રપતિ દ્રૌપદી મુર્મુએ કહ્યું, ‘સંસદ સંકુલમાં આપણા આદરણીય ઉપરાષ્ટ્રપતિનું જે રીતે અપમાન થયું તે જોઈને હું નિરાશ થઈ છું. ચૂંટાયેલા પ્રતિનિધિઓ પોતાની અભિવ્યક્તિ માટે સ્વતંત્ર હોવા જોઈએ, પરંતુ તેમની અભિવ્યક્તિ ગૌરવ અને શિષ્ટાચારના ધોરણોમાં હોવી જોઈએ. આ એક સંસદીય પરંપરા રહી છે જેનો અમને ગર્વ છે અને ભારતના લોકો અપેક્ષા રાખે છે કે તેઓ તેને જાળવી રાખે.