November 24, 2024
અભિનેત્રી પ્રિયંકા ચોપરા(Priyanka Chopra) ઘણીવાર પુત્રી માલતી મેરી જોનાસ ચોપરા(Malti Mary Jonas Chopra) સાથેના તેના ફોટા સોશિયલ મીડિયા પર શેર કરે છે, પરંતુ તેણે ક્યારેય તેની પુત્રીનો ચહેરો જાહેર કર્યો નથી. હવે અભિનેત્રીએ માલતીની લેટેસ્ટ તસવીર શેર કરી છે અને આ વખતે દીકરીનો ચહેરો પણ બતાવ્યો છે, જે ઈન્ટરનેટ પર ઝડપથી વાયરલ થઈ રહ્યો છે.
પ્રિયંકાએ દીકરીનો ચહેરો બતાવ્યો:
પ્રિયંકા ચોપરાએ તેની પુત્રીનો સૂતો ફોટો શેર કર્યો છે. તસવીરમાં માલતી સ્ટ્રોલરમાં સૂઈ રહી છે અને સફેદ સ્વેટર પહેરીને ખૂબ જ સુંદર લાગી રહી છે. પ્રિયંકા હંમેશા પોતાની દીકરીનો ચહેરો ઈમોજીથી છુપાવતી રહી છે, પરંતુ આ વખતે તેણે પોતાનો ચહેરો બતાવ્યો છે. જોકે એક્ટ્રેસે માલતીની આંખોને કેપથી ઢાંકી દીધી છે, પરંતુ તેનો અડધો ચહેરો સ્પષ્ટપણે જોઈ શકાય છે. પોસ્ટ સાથે પ્રેમ વરસાવતા અભિનેત્રીએ લખ્યું, “મારો મતલબ…”
Trending News
માલતીના સ્મિત પર ચાહકોનું દિલ પીઘળી ગયું:
માલતીની આ તસવીર પ્રિયંકા ચોપરાના ફેન પેજ દ્વારા પણ શેર કરવામાં આવી છે, જ્યાં ચાહકોએ માલતી પર ઘણો પ્રેમ વરસાવ્યો છે. કેટલાકે તેને ક્યૂટ કહી તો કેટલાકે માલતીના હોઠને પાપા નિક જોનાસ જેવા ગણાવ્યા.
View this post on Instagram
માલતી સાથે પહેલી દિવાળી:
પ્રિયંકા ચોપરાએ તાજેતરમાં જ તેની પુત્રી સાથે તેની પ્રથમ દિવાળી ઉજવી હતી. અભિનેત્રીએ લોસ એન્જલસમાં તેના દિવાળી સેલિબ્રેશનની કેટલીક તસવીરો શેર કરી હતી, જેમાં જોનાસ પરિવાર મેચિંગ આઉટફિટ્સમાં જોવા મળ્યો હતો. પ્રિયંકા અને માલતીએ ક્રીમ કલરના લહેંગા ચોલી પહેર્યા હતા, જ્યારે નિક જોનાસ કુર્તા પાયજામામાં દેખાયા હતા.
આ દિવસે પુત્રીનું સ્વાગત કરવામાં આવ્યું હતું:
પ્રિયંકા ચોપરા અને નિક જોનાસે આ વર્ષે 22 જાન્યુઆરીએ સોશિયલ મીડિયા પર પોસ્ટ કરીને સરોગસી દ્વારા માતાપિતા બનવાના નિર્ણયની જાહેરાત કરી હતી. તેઓએ કહ્યું હતું કે, “અમને એ જણાવતા ખૂબ જ આનંદ થાય છે કે અમે સરોગસી દ્વારા બેબીનું સ્વાગત કર્યું છે.
પ્રિયંકાની આગામી ફિલ્મો:
પ્રિયંકાના વર્કફ્રન્ટ વિશે વાત કરીએ તો, તે ટૂંક સમયમાં ‘એન્ડિંગ થિંગ્સ’, ‘ટેક્સ્ટ ફોર યુ’ અને વેબ સીરિઝ ‘સિટાડેલ’માં જોવા મળશે. આ સિવાય તે ફરહાન અખ્તરની ફિલ્મ ‘જી લે ઝરા’માં પણ કામ કરતી જોવા મળશે, જેમાં કેટરીના કૈફ અને આલિયા ભટ્ટ પણ મુખ્ય ભૂમિકામાં છે. આ સાથે તેની પાસે એમેઝોન સ્ટુડિયોની આગામી ફિલ્મ ‘શીલા’ પણ છે. જેમાં તે ‘મા આનંદ શીલા’નું પાત્ર ભજવતી જોવા મળશે. પ્રિયંકાની આ ફિલ્મને બેરી લેવિન્સન ડિરેક્ટ કરી રહ્યા છે. પ્રિયંકાએ ફિલ્મ ‘શીલા’માં અભિનય ઉપરાંત તેને પ્રોડ્યુસ પણ કરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.