November 24, 2024
માલવિયા નગર (Malviya Nagar) માં માઇક્રોવેવ ઓવનમાંથી બાળકી અનન્યા કૌશિકનો મૃતદેહ મળવાના મામલામાં ચોંકાવનારો ખુલાસો થયો છે. મળેલી માહિતી અનુસાર, આરોપી માતા ડિમ્પલ કૌશિકે માસૂમને ચાલતા વોશિંગ મશીનમાં નાખીને તેની હત્યા કરી હતી. આ હત્યા એક દિવસ પહેલા થઈ હતી અને બાળકીની લાશને 16 કલાક સુધી પથારી પર પડી હતી. રહસ્ય ખુલી જવાના ડરથી માસુમની લાશને ઓવનમાં સંતાડી દેવામાં આવી હતી.
આ ખુલાસા બાદ માલવિયા નગર પોલીસે બુધવારે સાંજે આરોપી માતા ડિમ્પલ કૌશિકની ધરપકડ કરી હતી. પોલીસે પોસ્ટમોર્ટમ કરાવ્યા બાદ બુધવારે માસુમનો મૃતદેહ પરિવારજનોને સોંપ્યો હતો. સાઉથ ડિસ્ટ્રિક્ટ ડીસીપીએ કહ્યું કે પોસ્ટમોર્ટમ કરનારા ડોક્ટરોએ જણાવ્યું કે બાળકીનું મોત શ્વાસ રૂંધાવાથી થયું છે. બાળકીના શરીર પર ઈજાના નિશાન જોવા મળ્યા હતા.
Trending News
દક્ષિણ જિલ્લા પોલીસ અધિકારીઓના જણાવ્યા અનુસાર, ડિમ્પલ બીજા સંતાનને લઈને નારાજ હતી, તેથી તેણે બાળકીની હત્યા કરી. જોકે ડીસીપીનું કહેવું છે કે મહિલાએ બાળકીની હત્યા શા માટે કરી, તે હજુ સુધી સંપૂર્ણ પણે બહાર આવ્યું નથી. પોલીસ અધિકારીઓના જણાવ્યા અનુસાર, ડિમ્પલે 20 માર્ચે લગભગ 12 વાગ્યે માસુમને ચાલતા વૉશિંગ મશીનમાં મૂકી હતી. જ્યારે છોકરી મરી ગઈ, ત્યારે તે છોકરીને પથારી પર લાવવામાં આવી અને તેને સૂવડાવી ધાબળાથી ઢાંકી દેવામાં આવી હતી.
જોકે આરોપી ડિમ્પલનું કહેવું છે કે છોકરી વોશિંગ મશીનમાં પડી ગઈ હતી. પોલીસ તેમના નિવેદન પર વિશ્વાસ કરી રહી નથી. જ્યારે પરિવારે ઘણી વખત છોકરી વિશે પૂછ્યું તો તેણે દરેક વખતે કહ્યું કે છોકરી સૂઈ રહી છે. 21 માર્ચે, જ્યારે તેને લાગ્યું કે રહસ્ય ખુલશે, ત્યારે તેણે 21 માર્ચે સાંજે 4 વાગે યુવતીની લાશને માઇક્રોવેવ ઓવનમાં છુપાવી દીધી હતી. ત્યારબાદ તેણીએ રૂમને અંદરથી બંધ કરી દીધો હતો અને તેના ચાર વર્ષના પુત્રને ઉલ્ટી થવા પર માર મારવાનું શરૂ કર્યું હતું.
પુત્રને માર મારતા રડવાનો અવાજ સાંભળીને ગુલશન કૌશિક, તેનો નાનો ભાઈ અને ગુલશનની માતા પહેલા માળે ગયા. ડિમ્પલે રૂમને અંદરથી બંધ કરીને રાખ્યો હતો. આ લોકો રૂમના કાચ તોડી અંદર ગયા હતા. તે સમયે ડિમ્પલ બેભાન હતી. તેમને મદન મોહન માલવિયા હોસ્પિટલમાં લઈ જવામાં આવ્યા હતા. ડોક્ટરોએ જણાવ્યું કે તે બેભાન હોવાનો ડોળ કરી રહી હતી. ત્યારબાદ તેને ઘરે લઈ જવામાં આવી હતી. જ્યારે ઘરે આવીને છોકરીને યાદ કરી, ત્યારે ગુલશનના નાના ભાઈ અને પાડોશીઓએ મળીને અનન્યાને શોધી હતી. આ દરમિયાન અનન્યાની લાશ ઓવનમાંથી મળી આવી હતી.
છોકરીનું શરીર સડી ગયું હતું:
16 કલાક સુધી રાખવામાં આવ્યો હોવાથી બાળકીનો મૃતદેહ ઘણી હદ સુધી સડી ગયો હતો. મૃતદેહમાંથી દુર્ગંધ આવવા લાગી હતી. નવાઈની વાત એ છે કે દુર્ગંધના આવતી હોવા છતાં તેના પરિવારજનોને બાળકી વિશે ખબર પડી ન હતી. પોસ્ટમોર્ટમ કરનાર ડોક્ટરોએ જણાવ્યું કે બાળકીના શરીર પર ઈજાના ઘણા નિશાન છે. બાળકીનું મોઢું દબાવીને હત્યા કરવામાં આવી હતી. પોલીસ આરોપી ડિમ્પલને ગુરુવારે કોર્ટમાં રજૂ કરીને રિમાન્ડ પર લેશે અને તેણે પુત્રીની હત્યા કેવી રીતે કરી તે જાણવા મળશે. જો કે પોસ્ટમોર્ટમ રિપોર્ટ બાદ જ ખબર પડશે કે બાળકીનું મોત કેવી રીતે થયું.
પાડોશીના ઘરમાં લગાવેલો કેમેરો ફરતો હતો:
બીજા માળે પડોશીના ઘરમાં કેમેરા લગાવવામાં આવ્યો છે. આરોપી ડિમ્પલે પાડોશીના ઘરમાં લગાવેલો કેમેરો પણ ફેરવી નાખ્યો હતો, જેથી યુવતીને લાવતી વખતે તે કેમેરામાં પકડાઈ ન જાય. પોલીસે કેમેરાનું ડીવીઆર જપ્ત કરી લીધું છે અને આરોપી યુવતીને લઈ જતી કેમેરામાં કેદ થઈ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.