મહારાષ્ટ્રમાં નવા-જૂનીના એંધાણ: રાજકીય સંકટ વચ્ચે ભાજપે એકનાથ શિંદેને નાયબ મુખ્યમંત્રી પદની કરી ઓફર

મહારાષ્ટ્ર(Maharashtra): રાજ્યમાં ચાલી રહેલ રાજકીય ઉથલપાથલને લઈને આસામ (Assam)ના ગુવાહાટી (Guwahati)થી મોટા સમાચાર સામે આવી રહ્યા છે. સૂત્રોના જણાવ્યા અનુસાર હોટલ રેડિસન બ્લુ (Hotel Radisson Blu)માં થયેલી બેઠક દરમિયાન ભાજપ દ્વારા એકનાથ શિંદે (Eknath Shinde)ને નાયબ મુખ્યમંત્રી(Deputy Chief Minister) પદની ઓફર કરવામાં આવી છે. ભાજપ(BJP) સાથે શિવસેનાના ધારાસભ્યોની ચર્ચા થઈ હતી. બળવાખોર ધારાસભ્યોનું કહેવું છે કે ગ્રામીણ વિસ્તારોમાં એમવીએના સાથી પક્ષો ઝડપથી વધી રહ્યા છે અને શિવસેના(Shiv Sena) નબળી પડી રહી છે.

ધારાસભ્યોએ કહ્યું કે શિવસેના પાસે કોઈ કામ નથી અને જો તેઓ કરે તો એનસીપી અને કોંગ્રેસ તેનો શ્રેય લે છે. આજે સવારે એકનાથ શિંદેએ ઉદ્ધવ ઠાકરે સાથે ચર્ચા કરી હતી, પરંતુ તેનું કોઈ નિષ્કર્ષ નહોતું આવ્યું. ઉદ્ધવ ઠાકરેને શિવસેના અંગે એનસીપી અને કોંગ્રેસની વર્તણૂક વિશે ઘણી વખત કહેવામાં આવ્યું હતું, પરંતુ તેમની તરફથી કોઈ સખત જવાબ મળ્યો ન હતો. ઉદ્ધવ ઠાકરને મળવું કે નહીં તેનો નિર્ણય એકનાથ શિંદે એકલા નહીં કરે, પરંતુ તમામ ધારાસભ્યો સાથે મળીને નિર્ણય લેશે.

શિંદે લગભગ 40 ધારાસભ્યો સાથે ગુવાહાટીમાં છે:
નોંધનીય છે કે મહારાષ્ટ્ર સરકારના મંત્રી અને વરિષ્ઠ નેતા એકનાથ શિંદેએ વિદ્રોહ કર્યો છે. શિંદે આસામના ગુવાહાટીમાં શિવસેનાના લગભગ 40 ધારાસભ્યો સાથે છે અને પોતાને અસલી શિવસેના ગણાવે છે. આ પહેલા તેમણે સીએમ ઉદ્ધવ ઠાકરે સમક્ષ ભાજપ સાથે સરકાર બનાવવાની શરત મૂકી હતી. તે જ સમયે, સીએમ ઉદ્ધવ ઠાકરેએ આજે પણ મહારાષ્ટ્રના લોકોને સંબોધિત કર્યા. આ દરમિયાન તેમણે કહ્યું કે હું મુખ્યમંત્રી પદ છોડવા તૈયાર છું. બધાએ મને ટેકો આપ્યો, પરંતુ મારા પોતાના લોકોએ મને સાથ આપ્યો નહીં. જો એક પણ સભ્ય મારી વિરુદ્ધ મત આપે તો તે મારા માટે શરમજનક છે.

શરદ પવારે શિંદેને સીએમ બનાવવાની સલાહ આપી હતી:
સંબોધન બાદ એનસીપી પ્રમુખ શરદ પવાર મુખ્યમંત્રી ઉદ્ધવ ઠાકરેને મળ્યા હતા. આ દરમિયાન શરદ પવારે સલાહ આપી કે જો વિરોધ ઓછો કરવો હોય તો એકનાથ શિંદેને સીએમ બનાવવાનો નિર્ણય લેવો જોઈએ. આ બેઠકના કલાકો પછી, મુખ્ય પ્રધાન ઉદ્ધવ ઠાકરેએ તેમના સત્તાવાર નિવાસસ્થાન, વર્ષા બંગલો તેમના પરિવાર સાથે ખાલી કર્યો અને માતોશ્રી ગયા.