ક્યારેય નોકરી ન મળવા પર આપઘાત કરવા જઈ રહી હતી આ યુવતી- આજે છે ભારતની સૌથી નાની વયની CEO

સફળતાની કહાની(Success story): જો તમે મહેનત કરશો તો તમને સફળતા મળશે,પરંતુ તેમાં થોડો સમય લાગી શકે છે. આવી જ એક સફળતાની કહાની છે રાધિકા ગુપ્તા(Radhika Gupta)ની. રાધિકા ગુપ્તાને તેની વાંકાચૂંકી ગરદન અને બોલવાના ભારતીય ઉચ્ચારને કારણે ઘણું સહન કરવું પડ્યું હતું. અભ્યાસ પૂરો કર્યા પછી સતત અસ્વીકારનો સામનો કરીને તેણે આપઘાત કરવાનો પ્રયાસ પણ કર્યો હતો. પરંતુ જ્યારે તેને નોકરી મળી ત્યારે તેણે પાછું વળીને જોયું નથી. રાધિકા ગુપ્તા આજે ભારતીના સૌથી યુવા સીઈઓ છે. એડલવાઈસ MF CEO રાધિકા ગુપ્તાએ તેના સંઘર્ષ વિશે જણાવ્યું છે.

લોકો ગરદનની મજાક ઉડાવતા હતા:
તેણે કહ્યું કે તે વાંકાચૂકા ગળા સાથે જન્મી છે. દર ત્રણ વર્ષે તેને ઘણા દેશોમાં ભણવું પડતું. જ્યારે તે સાતમા ધોરણમાં હતી ત્યારે અન્ય બાળકો તેના ભારતીય ઉચ્ચારની મજાક ઉડાવતા હતા. રાધિકા ગુપ્તા ગરદનની બીમારી ટોર્ટિકોલિસથી પીડિત છે. આ રોગમાં ગરદનના સ્નાયુઓ જકડાઈ જાય છે અને માથું એક બાજુ ફેરવે છે.

આત્મસન્માનને ઠેસ પહોંચે છે:
જેના કારણે નાની ઉંમરમાં તેમના આત્મસન્માનને ઘણી વાર ઠેસ પહોંચી હતી. તેની સરખામણી તેની માતા સાથે કરવામાં આવી હતી જે એક જ શાળામાં કામ કરતી હતી. લોકો તેની માતાની તુલનામાં તે કેટલી અનાકર્ષક છે તેના પર ટિપ્પણી કરતા હતા. સમયની સાથે તેણે આ બધી બાબતોમાંથી બહાર આવવાનો પ્રયત્ન કર્યો પણ તે દૂર ન થયો.

આપઘાતનો પ્રયાસ કર્યો:
જ્યારે તેણી 22 વર્ષની થઈ અને સાતમી વખત નોકરીમાંથી રીજેક્ટ કરવામાં આવી ત્યારે તેણીએ હોસ્ટેલના રૂમમાં આપઘાત કરવાનો પ્રયાસ કર્યો. ત્યારે તેના મિત્રએ તેને બચાવી લીધી. આ પછી રાધિકાને માનસિક સંભાળમાં રાખવામાં આવી હતી અને તે ડિપ્રેશનનો શિકાર હોવાનું કહેવાય છે. રાધિકાને ત્યાંથી ત્યારે જ જવા દેવામાં આવી જ્યારે તેને નોકરીની ઓફર મળી અને તેને ઇન્ટરવ્યુ માટે જવાનું હતું. તે ઈન્ટરવ્યુ માટે ગઈ અને તેને મેકકિન્સેમાં નોકરી મળી.