‘આવતી વખતે ટ્રમ્પ સરકાર’ અંગે રાહુલની ટીકા:વડા પ્રધાને મોદીને કુતનીતિ નીતિ શીખવવી જોઈએ.

કોંગ્રેસ નેતા રાહુલ ગાંધીએ એકવાર ફરી વડાપ્રધાન નરેન્દ્ર મોદી પર નિશાન સાધ્યું છે. વિદેશ મંત્રી એસ. જયંશકરની સ્પષ્ટતા અંગે રાહુલ ગાંધીએ મંગળવાર સવારે ટ્વીટ કરીને કહ્યું કે, જયશંકરજી આપનો આભાર જેમણે વડાપ્રધાન મોદીને બચાવી લીધા અસમર્થતાને છુપાવી દીધી છે.તેમના આ પ્રકારના સમર્થનને ભારત માટે ડેમોક્રેટ્સ સાથેના સંબંધો પર સવાલ ઊભા કરી દીધા છે. મને આશા છે કે તમારા હસ્તક્ષેપથી બધું બરાબર થઈ જશે. હવે તમે આ અંગે કામ કરી રહ્યા છો તો તેમને થોડી કૂટનીતિ વિશે પણ શિખવાડજો.

વડાપ્રધાન મોદીએ ગત સપ્તાહે હાઉડી મોદી ઈવેન્ટ દરમિયાન ભાષણમાં અબકી બાર, ટ્રમ્પ સરકારના નારાને યાદ કર્યો હતો. આ અંગે વિવાદ થયા બાદ વિદેશ મંત્રી જયશંકરે સ્પષ્તા કરી છે કે,વડાપ્રધાન મોદીએ અમેરિકાની ચૂંટણી માટે કોઈનું સમર્થન કર્યું ન હતું, પરંતુ 2016ના ટ્રમ્પ રાષ્ટ્રપતિ ચૂંટણી અભિયાનને યાદ કર્યું હતું. કારણ કે તે વખતે અમેરિકામાં ભારતીય સમુદાય વચ્ચે આ નારો ઘણો લોકપ્રિય બન્યો હતો.

જયશંકરને જ્યારે એક રિપોર્ટરે પુછ્યું કે, શું વડાપ્રધાને 2020ની અમેરિકન ચૂંટણી માટે ટ્રમ્પનું સમર્થન કર્યું છે, તો તેમણે આ વાતને નકારતા કહ્યું કે, સહેજ પણ નહીં, અમેરિકાના રાજકારણ અને ચૂંટણીમાં ભારત કોઈની તરફેણ નથી કરતું. પરંતુ જો તમે વડાપ્રધાનની વાત ‘અમે ભારતવાસી ટ્રમ્પના ચૂંટણી અભિયાનના નારા, અબકી બાર ટ્રમ્પ સરકારના નારા સાથે એક જોડાણ અનુભવીએ છીએ’ધ્યાનથી સાંભળશો તો તમને ખબર પડશે કે તેમણે જુના સમયને યાદ કર્યો હતો.