રાહુલ ગાંધી: શું તમે જાણો છો ? અચાનક મોબાઈલ ડેટા કેમ મોંઘા થઇ ગયા ? જણાવ્યું કારણ…

કોંગ્રેસ પાર્ટીની ભારત બચાવો રેલીમાં પૂર્વ અધ્યક્ષ રાહુલ ગાંધીએ પ્રધાનમંત્રી નરેન્દ્ર મોદી, ગૃહમંત્રી અમિત શાહ અને ભાજપ સરકાર પર આકરા શબ્દો ફેક્ય હતા. રાહુલ ગાંધીએ અર્થવ્યવસ્થા, મંદી, બેરોજગારી સાથે-સાથે ખેડૂતો મુદ્દે સીધું જ પ્રધાનમંત્રી મોદી પર નિશાન સાધ્યું હતું. રાહુલ ગાંધીએ કહ્યું હતું કે “મને મારા નિવેદન બદલ માફી માંગવા માટે કહેવામાં આવ્યું. પરંતુ હું સચ્ચાઇ માટે ક્યારેય માફી નહીં માંગુ.”

રાહુલ ગાંધીએ કહ્યું કે “મારું નામ રાહુલ સાવરકર નથી. રાહુલ ગાંધી છે. જો કોઇએ માફી માંગવાની જરૂર છે તો તે મોદી અને શાહને છે. બંનેએ દેશવાસીઓની માફી માંગવી જોઇએ. તેમણે કહ્યું કે નોટબંધીને કારણે અર્થવ્યવસ્થાને જે ફટકો પડ્યો છે તેની કળ હજુ વળી નથી. નરેન્દ્ર મોદી એકલાએ સમગ્ર દેશની અર્થવ્યવસ્થા નષ્ટ કરી દીધી. તેમણે તમારા ખિસ્સામાં રહેલા પૈસા છિનવી લીધા.”