November 20, 2024
કોંગ્રેસના પૂર્વ અધ્યક્ષ અને સાંસદ રાહુલ ગાંધી (Rahul Gandhi) કોરોનાની (corona) વર્તમાન સ્થિતિ અને સતત ઘટતા કેસને લઇને મોદી સરકાર પર સતત આકરા પ્રહારો કરી રહ્યા છે. કોંગ્રેસ નેતા રાહુલ ગાંધીએ સરકારને રસી નિકાસ તાત્કાલિક બંધ કરવા અને જેની જરૂર હોય તે બધાને રસી ઉપલબ્ધ કરાવવા માંગ કરી છે.
સોમવારે રાહુલ ગાંધીએ લગભગ એક મિનિટનો વીડિયો બહાર પાડ્યો જેમાં તેણે પીએમ મોદી પર નિશાન સાધ્યું હતું અને સરકારને તાત્કાલિક રસી નિકાસ બંધ કરવાની માંગ કરી હતી. રાહુલ ગાંધીએ ગરીબ લોકોને આવક સહાયની પણ માંગ કરી છે. તેમણે પોતાના ટ્વિટ સંદેશમાં લખ્યું છે કે, “385 દિવસમાં પણ કોરોના સામેની લડાઇ જીતી શક્યા નથી- ઉત્સવ, થાળી-વેલણ અને તાલી બહુ વગાડ્યા, હવે દેશને રસી આપો!”
રાહુલ ગાંધીએ પોતાના ટ્વિટમાં શેર કરેલા વીડિયોમાં તે કહી રહ્યા છે કે, “મોદીજી, તમે કહ્યું હતું કે તમે 18 દિવસમાં કોરોનાની લડત જીતી લેશો, તમે બેલ વગાડવાનું કહ્યું, થાળી વગાડી, મોબાઇલ ફોનની લાઈટ શરુ કરાવી, તેમ છતાં કોરોના આગળ વધ્યો અને હવે બીજી તરંગ આવી રહી છે અને લાખો લોકો કોરોનાનો શિકાર બની રહ્યા છે, તમે આ પ્રસંગ બંધ કરો, જેમને રસીની જરૂર હોય તેમને આપો, રસીની નિકાસ બંધ કરો અને અમારા ગરીબ ભાઈ-બહેનને રસી આપો, આભાર”
Trending News
385 दिन में भी कोरोना से लड़ाई नहीं जीत पाए- उत्सव, ताली-थाली बहुत हो चुके अब देश को वैक्सीन दो! #SpeakUpForVaccinesForAll pic.twitter.com/YkIb3yDTGO
— Rahul Gandhi (@RahulGandhi) April 12, 2021
રાહુલ ગાંધીએ તમામ લોકોને એન્ટિ કોવિડ -19 રસી લાવવાની હિમાયત કરતાં કહ્યું કે આ દેશની જરૂરિયાત છે કારણ કે, સલામત જીવન જીવવું એ દરેક નાગરિકનો અધિકાર છે. પાર્ટીએ ‘સ્પીકઅપ ફોર વેકિન્સ ફોર ઓલ’ હેશટેગથી પાર્ટી દ્વારા શરૂ કરેલા સોશિયલ મીડિયા અભિયાનના ભાગ રૂપે તેમણે આ ટિપ્પણી કરી. તમામ નાગરિકોને રસી અપાય તેવી માંગ સાથે કોંગ્રેસે આ અભિયાન શરૂ કર્યું છે.
કોંગ્રેસ નેતાએ ટ્વિટ કર્યું હતું કે, “કોરોના રસી દેશને જરૂરી છે. આ માટે તમારે તમારો અવાજ ઉઠાવવો જોઈએ. દરેકને સલામત જીવનનો અધિકાર છે.” રાહુલ ગાંધીએ દેશમાં કોરોના વાયરસના ચેપની વધતી ઘટનાઓ, રસીનો અભાવ અને બધા માટે રસીઓની માંગનો ઉલ્લેખ કરતા એક વીડિયો પણ શેર કર્યો હતો.
નોંધપાત્ર રીતે, સોમવારે ચેપનો કુલ આંક વધીને 1,35,27,717 થયો છે, દેશમાં કોરોના વાયરસના ચેપના 1,68,912 નવા કેસ નોંધાયા છે. ચેપના કારણે 904 લોકોનાં મોત સાથે મૃત્યુનો આંક 1,70,179 રહ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.