સસુરાલ પહોંચે તે પહેલાં જ નવી નવેલી દુલ્હનને ભરખી ગયો કાળ- ડોલીની જગ્યાએ અર્થીમાં વહુ પહોંચી સાસરે

Rajsthan Accident: રાજસ્થાનના(Rajsthan Accident) સીકર જિલ્લામાં નેશનલ હાઈવે 58 પર બુધવાર 7 ફેબ્રુઆરીની સવારે એક મોટો માર્ગ અકસ્માત થયો હતો. ફતેહપુર નજીક નેશનલ હાઈવે પર એક ઝડપી ક્રેટા વાહન સામેથી આવતા ડમ્પર સાથે અથડાયું હતું. વર-કન્યા ક્રેટા કારમાં હરિયાણાના સિરસાથી લક્ષ્મણગઢ જઈ રહ્યા હતા.તે દરમિયાન સવારે 8 વાગ્યે ભયાનક અકસ્માત થયો હતો. આ અકસ્માતમાં દુલ્હનનું મોત નીપજ્યું હતું જ્યારે વરરાજાને ગંભીર ઇજા પહોંચી છે.

મળતી માહિતી મુજબ, સીકર જિલ્લાના લક્ષ્મણગઢ સ્થિત બતનૌ ગામના રહેવાસી રઘુવીર જાટના પુત્ર નરેન્દ્ર જાટના લગ્ન 6 ફેબ્રુઆરી મંગળવારની રાત્રે થયા હતા.જેમાં દુલ્હાની જાન હરિયાણાના બતરનાઉથી સિરસા સુધી નીકળી હતી. રાત્રીના લગ્ન સમારોહ પછી વહેલી સવારે વર-કન્યા સિરસાથી લક્ષ્મણગઢના બાતનાઉ પરત ફરી રહ્યા હતા.ત્યારે હજુ દુલ્હન પોતાના સસરાના ગામ પહોંચે તે તેના થોડાક જ કિલોમીટર પહેલા એક ભયાનક અકસ્માત સર્જાયો હતો. ક્રેટા સામેથી આવતા ડમ્પર સાથે જોરદાર ટકરાઈ હતી. આ અકસ્માતમાં ક્રેટા ચકનાચૂર થઈ ગઈ હતી જેના કારણે કન્યાનું ઘટનાસ્થળે જ મોત થયું હતું. ઘાયલ વરરાજાને સીકરની કલ્યાણ હોસ્પિટલમાં દાખલ કરવામાં આવ્યો છે.

બંને પરિવારમાં છવાયો શોકનો માહોલ
આ કરૂણ અકસ્માત બાદ વર-કન્યા બંનેના પરિવારજનોમાં ગમગીની છવાઈ ગઈ હતી. લગ્નની ખુશી દુ:ખમાં ફેરવાઈ ગઈ. અકસ્માતની માહિતી મળતા જ બંનેના પરિવારજનો ઘટના સ્થળે પહોંચી ગયા હતા. વર-કન્યાને લોહીથી લથપથ જોઈને પરિવારજનોમાં ગમગીની છવાઈ ગઈ હતી.

આક્રંદથી પરિવારજનો અને સંબંધીઓની હાલત ખરાબ થઈ ગઈ હતી. આ અકસ્માત જોઈને ગ્રામજનો પણ સ્તબ્ધ થઈ ગયા હતા. મૃતક દુલ્હનનું નામ ખુશ્બુ ઉર્ફે રેખા છે. તે સિરસા પાસેના તાજિયા ખેડા ગામની રહેવાસી હતી. અકસ્માતને પગલે બંને પરિવારમાં શોકનો માહોલ છવાયો હતો.પરિવારજનોના જણાવ્યા અનુસાર ખુશ્બુ અને નરેન્દ્ર સ્પર્ધાની પરીક્ષાની તૈયારી કરી રહ્યા હતા. ખુશ્બુને પાંચ બહેનો છે જ્યારે નરેન્દ્રને એક મોટા ભાઈ અને બહેન છે.