November 26, 2024
રાજસ્થાનના અલવરમાં એક હૃદયદ્રાવક ઘટના પ્રકાશમાં આવી છે. પત્નીએ ઘૂંઘટ ન ઉઠાવ્યું તો પતિએ પોતાની ત્રણ વર્ષની પુત્રી પર પોતાનો ગુસ્સો ઉતાર્યો હતો. ગુસ્સે ભરાયેલા પતિએ પત્નીના ખોળા માંથી ત્રણ વર્ષની માસૂમ પુત્રીને છીનવી લીધી અને જમીન પર ફેંકી દીધી. આ ઘટનામાં, છોકરી તરત જ મૃત્યુ પામી હતી. આશ્ચર્યજનક વાત એ છે કે આરોપીએ લોકોથી છુપાઈને દીકરીના અંતિમ સંસ્કાર પણ કર્યા હતા. ઘટનાને અંજામ આપ્યા બાદ તે સ્થળ પરથી ભાગી ગયો હતો. આ ચોંકાવનારી ઘટના અલવરના બેહરોડ પોલીસ સ્ટેશનની છે.
વ્યથિત પત્નીએ પતિ વિરુદ્ધ બેહરોડ પોલીસ સ્ટેશનમાં કેસ દાખલ કર્યો છે. પોલીસ આ કેસની તપાસ સાથે આરોપીની શોધ કરી રહી છે. પરંતુ આજદિન સુધી પોલીસને આરોપીની કોઈ ચાવી મળી નથી. બેહરોર પોલીસ સ્ટેશનના અધિકારી પ્રેમ પ્રકાશે જણાવ્યું કે મોનિકા નામની મહિલાએ તેના પતિ વિરુદ્ધ પોલીસ સ્ટેશનમાં ફરિયાદ નોંધાવી હતી. તેણે કહ્યું કે તેનો પતિ પ્રદીપ ઘૂંઘટ ન ઉઠાવવા પર ગુસ્સે થઇ ગયો હતો.
Trending News
બાળકીને માતાની એક ભૂલે ગુમાવવો પડ્યો જીવ
પહેલા તેણે તેની પત્ની મોનિકા પર હુમલો કર્યો. જ્યારે તેનાથી પણ તેનું મન ભરાયું નહીં, ત્યારે તેણે 3 વર્ષની માસૂમ પુત્રીને પત્નીના ખોળામાંથી ખેંચીને જમીન પર પછાડી હતી. જેના કારણે તેનું તાત્કાલિક મોત થયું હતું. બાળકીના અંતિમ સંસ્કાર ચૂપચાપ કર્યા બાદ તે સ્થળ પરથી ભાગી ગયો હતો. પોલીસ સતત આરોપીની શોધ કરી રહી છે.
નિર્દય પિતાને ત્રણ વર્ષની માસૂમ માટે બિલકુલ અફસોસ ન હતો. ગુસ્સે ભરાયેલા માણસે તેના પોતાના જ બાળકીને જમીન પર ફેંકી દીધી હતી. ઇજાઓના કારણે બાળકીનું તાત્કાલિક મૃત્યુ થયું હતું. આરોપી હજુ પોલીસની કસ્ટડીમાંથી બહાર છે. પોલીસ આ કેસની તપાસ કરી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.