ગર્ભવતી મહિલાને માર્યો ઢોર માર- આઠ મહિનાના બાળકનું ગર્ભાવસ્થામાં જ મોત

રાજસ્થાનના ભરતપુરમાં ચોંકાવનારી ઘટના સામે આવી છે, પરસ્પરના ઝઘડાઓએ એક ગર્ભવતી મહિલાઓનો ભોગ લીધો છે. આ ઘટનામાં 8 મહિનાની સગર્ભા મહિલા પર હુમલો કરવામાં આવ્યો હતો. લોકો દ્વારા માર માર્યા બાદ આઠ મહિલાના અજાત બાળકનું મોત નીપજ્યું હતું. પીડિતાને હોસ્પિટલમાં દાખલ કરવામાં આવી હતી અને પોસ્ટમોર્ટમ બાદ નવજાતને પોલીસે પરિવારજનોને સોંપ્યો હતો.

આ મામલો નડવાળ પોલીસ સ્ટેશન વિસ્તારના બારૌલીચાર ગામનો છે. જ્યાં કેટલાક લોકોએ સગર્ભા સ્ત્રી જયારે સાસરીયામાં હતી ત્યારે તેના પર હુમલો કર્યો હતો, જેના કારણે મહિલાના ગર્ભાશયમાં રહેલા 8 મહિનાના નવજાતનું મોત નીપજ્યું હતું. હાલ મહિલાના પતિએ આરોપી વિરુદ્ધ નદવાઈ પોલીસ સ્ટેશનમાં ગુનો દાખલ કર્યો છે.

પોલીસના જણાવ્યા અનુસાર, નડવાઈ પોલીસ સ્ટેશન વિસ્તારના બારૈલીચાર ગામનો રહેવાસી સુમંત નામનો વ્યક્તિ ગામમાં દોડી રહ્યો હતો ત્યારે ગામના કેટલાક વિરોધીઓ મંજુના ઘરે ઘૂસી ગયા હતા. મંજુનો પતિ સુમંત તે સમયે ઘરે ન હતો. તેઓએ મંજુને લાતો મારીને ઠોર માર માર્યો હતો, માર મારતી વખતે ગર્ભવતી મંજુને પેટ પર પણ લાત મારી હતી. જેના કારણે આઠ મહિનાના બાળકને જીવ ગુમાવવો પડ્યો હતો.

હુમલો થયા પછી મંજુની હાલત કથળી ગઈ હતી. મહિલાને બાદમાં નજીકની ખાનગી હોસ્પિટલમાં લઈ જવામાં આવી હતી અને ડોક્ટરોએ દ્વારા ડિલીવરી કરાવવામાં આવી હતી. પરંતુ ત્યાં સુધીમાં ગર્ભમાં જ નવજાતનું મોત નીપજ્યું હતું. પોલીસે પોસ્ટમોર્ટમ બાદ નવજાતનો મૃતદેહ પરિવારજનોને સોંપ્યું છે. પોલીસે કેસ નોંધીને તપાસ શરૂ કરી છે.