May 02, 2024
રાજસ્થાનના બાડમેર જિલ્લાની રહેવાસી રૂમા દેવી, નામ જેટલું નાનું એટલું જ મોટું કામ, જેની સામે દરેક મોટી ઉપલબ્ધિઓ નાની પડી જાય છે. જ્યારે તે 4 વર્ષની હતી ત્યારે માતાનું અવસાન થયું, પિતાએ બીજા લગ્ન કર્યા અને કાકા સાથે રહેવા માટે છોડી દીધી હતી. ગરીબીના ખોળામાં ઉછરીને, હસવા-રમવાની ઉંમરે, તેને રમકડાંને બદલે મોટા ઘડાઓ મળ્યા હતા, જેને માથે રાખીને દૂર દૂરથી પાણી લાવતી હતી. પરેશાનીઓ ઓછી હતી તો, 8માં ધોરણમાં અભ્યાસ પણ છૂટી ગયો અને 17 વર્ષની ઉંમરે લગ્ન થઇ ગયા હતા.
પરેશાનીનું ઘર જ આ મહિલા હોય તેમ, પ્રથમ બાળકનો જન્મ થયો તે પણ બીમારીથી મૃત્યુ પામ્યો હતો. રૂમાની સામે મુશ્કેલીઓનો પહાડ હતો, દરેક સપના ચકનાચૂર થઈ ગયા હતા, પણ તેણે પોતાના આત્મવિશ્વાસને તૂટવા ન દીધો. પોતે જ ગરીબી સામે લડવાનું નક્કી કર્યું અને ઘરેથી હાથવણાટનું કામ શરૂ કર્યું. આજે તેઓ પોતાની રીતે એક ફેશન બ્રાન્ડ ચલાવી રહ્યા છે. દેશ-વિદેશમાં પોતાના કામથી પ્રખ્યાત થયા અને 22 હજાર મહિલાઓનો રોજગારી આપી રહી છે. આવો આજની ખુદ્દાર કહાનીમાં જાણીએ રૂમા દેવીની શૂન્યથી શિખરે પહોંચવાની વાર્તા…
Trending News
અંદરથી ભાંગી પડી હતી, મન કરતું હતું કે આત્મહત્યા કરી લઉં
32 વર્ષીય રુમા દેવી કહે છે કે, લગ્ન પછી પણ પરેશાનીઓ ઓછી નથી થઈ રહી. આર્થિક તંગીના કારણે અમે બાળકને રોગથી બચાવી શક્યા નહી. પહેલા બાળકના મૃત્યુથી મને મોટો આંચકો લાગ્યો હતો. અંદરથી સાવ તૂટી ગયી હતી, જીવનથી કંટાળી ગયી હતી. મન થતું હતું કે આત્મહત્યા કરી લઉં. આવી જિંદગીનો શું મતલબ જ્યારે આપણે આપણી જરૂરિયાતો જ પૂરી કરી શકતા ન હોઈએ.
પણ રૂમાએ પોતાની જાતને સંભાળી હતી. નક્કી કર્યું કે, મુશ્કેલીઓનો સામનો કરવાને બદલે તેમની સાથે લડવું જોઈએ. તેઓ તેની દાદી પાસેથી સીવણ-વણાટ અને ભરતકામ શીખ્યા હતા. આ કામને વધુને વધુ આગળ ધપાવવાનું આયોજન કર્યું હતું. તેણે સોયના દોરા વડે કુશન અને એમ્બ્રોઇડરી કરેલી થેલીઓ બનાવવાનું શરૂ કર્યું અને તે અન્ય છોકરીઓને આપવાનું શરૂ કર્યું હતું. ધીમે-ધીમે રૂમાનું કામ વધવા લાગ્યું, પરંતુ સમસ્યાએ હતી કે તેની પાસે ન તો પૈસા હતા અને ન તો પૂરતા સાધનો. તેની પાસે સિલાઈ મશીન ખરીદવાના પણ પૈસા નહોતા.
100-100 રૂપિયા ભેગા કરીને સિલાઈ મશીન ખરીદ્યું
આ પછી રૂમાએ 2006માં 10 મહિલાઓ સાથે સ્વસહાય જૂથ બનાવ્યું હતું. તમામ મહિલાઓએ 100-100 રૂપિયાનું રોકાણ કરીને એક હજાર રૂપિયામાં સિલાઈ મશીન ખરીદ્યું. સંસાધનોની થોડી વ્યવસ્થા તો થઇ ગઈ, પરંતુ સમસ્યા એ છે કે 10 મહિલાઓને કામ ક્યાંથી મળશે? તેઓ જે બનાવશે તે કોણ ખરીદશે?
તે સમય દરમિયાન રૂમાને ખબર પડી કે બાડમેરમાં ગ્રામીણ વિકાસ ચેતના સંસ્થાનમાં હસ્તકલા તૈયાર કરવાનું કામ કરવામાં આવે છે અને મોટાભાગનું કામ ત્યાંની મહિલાઓ કરે છે. રૂમા તેના ગ્રુપની કેટલીક મહિલાઓ સાથે ત્યાં પહોંચી હતી. પહેલા તો સંસ્થાના સત્તાધીશોએ ખાસ ધ્યાન આપ્યું ન હતું. તેમને લાગ્યું કે આ લોકો આમ જ આવ્યા છે.
રુમાએ તેના કામ વિશે માહિતી આપી, વિનંતી કરી, પછી તેણે સંસ્થામાંથી થોડું થોડું કામ મેળવ્યું. રૂમા અને તેની સાથીદારોએ ત્રણ દિવસનો ઓર્ડર એક રાતમાં પૂરો કરી નાખ્યો. બીજા દિવસે જ્યારે તે સંસ્થામાં પાછી આવી ત્યારે અધિકારીઓને લાગ્યું કે તેઓ કામ કરી શકશે નહીં, તેથી જ આ લોકો આટલા જલદી પાછા ફર્યા છે, પરંતુ જ્યારે તેમને ખબર પડી કે આ મહિલાઓએ આખી રાત જાગીને કામ પૂરું કર્યું છે, તો તેઓ પણ ખૂબ પ્રભાવિત થયા હતા. અને ત્યારબાદ એક પછી એક, તેઓને નવ નવ ઓર્ડર મળવા લાગ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
