રાજકોટમાં કરિયાણાની દુકાન ન ચાલતા યુવાને શરુ કર્યું કૂટણખાનુ -આ રીતે થયો પર્દાફાશ

હાલમાં રાજ્યમાં આવેલ રાજકોટ શહેરમાંથી એક સમાચાર સામે આવી રહ્યાં છે. શહેરના સત્યનારાયણ પાર્કમાં રહેતા પારસ ચુનિલાલ શાહ ભાડે કરિયાણાની દુકાન ચલાવી રહ્યો હતો પણ લોકડાઉન પછી ધંધો ચાલતો ન હોવાને લીધે કૂટણખાનાનો ધંધો શરૂ કર્યો હતો.

આ અંગેની જાણ પોલીસને થતા ડમી ગ્રાહક મોકલી રેડ પાડવામાં આવી હતી. જેમાં પારસ કુલ 10,000 રૂપિયા લઈને કુલ 5,000 પોતે રાખીને અન્ય 5,000 રૂપલલનાએ આપતો હોવાનું જાણવા મળ્યું હતું. આની સાથે જ સ્ત્રી મિત્ર પાસે દેહવ્યાપારનો ધંધો કરાવતો હોવાનું સામે આવ્યું છે. પોલીસે પારસની ધરપકડ કરીને તપાસ હાથ ધરવામાં આવી છે.

આરોપીએ ડમી ગ્રાહક માટે હોટલનો રૂમ બૂક કર્યો:
શહેરના માલવીયા ચોકમાં આવેલ પ્રમુખ સ્વામી આર્કેડમાં 9 માળ પર આવેલ હોટલ તિલકમાં ગોરખધંધા ચાલતા હોવાની બાતમી પોલીસને મળતાં પોલીસે ડમી ગ્રાહક મારફતે સંપર્ક કરાવાતા પારસે હોટલમાં રૂમ બુક કર્યો હોવાનું જણાવ્યું હતું. પોલીસે ડમી ગ્રાહક દ્વારા માલવીયા ચોકમાં આવેલ હોટલ તિલકમાં રૂમ બુક કરાવ્યો હતો.

ત્યારબાદ પારસનો સંપર્ક કરાતા રૂપલલના સાથે ત્યાં પહોંચ્યો હતો. બુક કરાવેલા રૂમમાં અથવા તો જ્યાં ડમી ગ્રાહક હાજર હતો ત્યાં રૂપલલના જતાની સાથે પોલીસે દરોડો પાડીને પારસને પકડી પાડ્યો હતો. આ અંગે પોલીસે પારસ વિરૂદ્ધ ધી ઈમોરલ ટ્રાફિક પ્રિવેન્સી એક્ટની કલમ અંતર્ગત ગુનો દાખલ કરવામાં આવ્યો હતો.