November 24, 2024
શેરબજાર(Stock market)ના બીગ બુલ રાકેશ ઝુનઝુનવાલા(Rakesh Jhunjhunwala)નું 62 વર્ષની વયે નિધન થયું છે. તેમણે મુંબઈ(Mumbai)ની બ્રીચ કેન્ડી હોસ્પિટલ(Breach Candy Hospital)માં અંતિમ શ્વાસ લીધા. તેને 2-3 અઠવાડિયા પહેલા હોસ્પિટલમાંથી રજા આપવામાં આવી હતી. બ્રીચ કેન્ડી હોસ્પિટલે પીઢ ઉદ્યોગપતિ ઝુનઝુનવાલાના મૃત્યુની પુષ્ટિ કરી છે. આજે સવારે 6.45 કલાકે તેમને હોસ્પિટલમાં લાવવામાં આવ્યા હતા.
રાકેશ ઝુનઝુનવાલાને ભારતના વોરેન બફેટ તરીકે પણ ઓળખવામાં આવે છે. શેરબજારમાંથી કમાણી કર્યા બાદ બિગ બુલે એરલાઇન સેક્ટરમાં પણ પ્રવેશ કર્યો હતો. તેણે નવી એરલાઇન કંપની અકાસા એરમાં મોટું રોકાણ કર્યું હતું અને 7 ઓગસ્ટથી કંપનીએ કામગીરી શરૂ કરી છે. શેરબજારમાં રોકાણ કરનાર ઝુનઝુનવાલાની પાસે આજે હજારો કરોડની સંપત્તિ છે. મજાની વાત એ છે કે આટલી સંપત્તિ ધરાવતી વ્યક્તિની યાત્રા માત્ર 5 હજાર રૂપિયાથી શરૂ થઈ હતી.
અકાસાની પ્રથમ કોમર્શિયલ ફ્લાઈટ મુંબઈથી અમદાવાદ માટે ઉડાન ભરી હતી. ઉડ્ડયન મંત્રી જ્યોતિરાદિત્ય સિંધિયા અકાસા એરની પ્રથમ ફ્લાઇટના ઉદ્ઘાટન સમારોહમાં જોવા મળ્યા હતા. તેમણે અકાસાની પ્રથમ કોમર્શિયલ ફ્લાઈટને ફ્લેગ ઓફ કરી હતી. તેમની સાથે કેન્દ્રીય રાજ્ય મંત્રી વીકે સિંહ પણ હાજર હતા. Akasa Airએ 13મી ઓગસ્ટથી ઘણા વધુ રૂટ પર તેની સેવા શરૂ કરી છે.
Trending News
ઝુનઝુનવાલા અને તેમની પત્નીના 45.97 ટકા શેર:
રાકેશ ઝુનઝુનવાલા અને તેમની પત્ની રેખા પાસે અકાસા એર શેરમાં સૌથી મોટો હિસ્સો છે. આ એરલાઇન કંપનીમાં કુલ હિસ્સો 45.97 ટકા છે. આ સિવાય વિનય દુબે, સંજય દુબે, નીરજ દુબે, માધવ ભાટકુલી, PAR કેપિટલ વેન્ચર્સ, કાર્તિક વર્મા પણ Akasa Airના પ્રમોટર છે. રાકેશ ઝુનઝુનવાલા પછી આમાં વિનય દુબેની ભાગીદારી 16.13 ટકા છે. અકાસા એરએ 13મી ઓગસ્ટથી તેની બેંગ્લોર-કોચી સેવા શરૂ કરી છે. તે જ સમયે, તે 19 ઓગસ્ટથી બેંગ્લોર-મુંબઈ અને 15 સપ્ટેમ્બરથી ચેન્નાઈ-મુંબઈ માટે તેની સેવા શરૂ કરશે.
ઝુનઝુનવાલાની નેટવર્થ કેટલી છે?
ભારતના વોરન બફેટ તરીકે ઓળખાતા રાકેશ ઝુનઝુનવાલાની આવકનો મુખ્ય સ્ત્રોત શેરબજાર છે. ઝુનઝુનવાલાની આ સક્સેસ સ્ટોરી માત્ર પાંચ હજાર રૂપિયાથી શરૂ થઈ હતી. આજે તેમની કુલ સંપત્તિ 40 હજાર કરોડની આસપાસ છે. આ સફળતાને કારણે ઝુનઝુનવાલાને ભારતીય શેરબજારનો બિગ બુલ અને ભારતના વોરેન બફેટ કહેવામાં આવે છે. જ્યારે સામાન્ય રોકાણકારો શેરબજારમાં નાણાં ગુમાવી રહ્યા હોય ત્યારે પણ ઝુનઝુનવાલા કમાણી કરે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.