November 02, 2024
Ravi Shastri IPL Prediction: આઈપીએલ હવે તેના બીજા રાઉન્ડમાં પહોંચી ગઈ છે. અત્યાર સુધી ચૈન્નાઈ CSK, ગુજરાત GT અને લખનૌ LSG એ શાનદાર પ્રદર્શન કરીને ટોપ 4માં પોતાનું સ્થાન જાળવી રાખ્યું છે. હવે અહીંથી આવતી દરેક મેચ ટીમની સ્થિતિ બદલી શકે છે. આવી સ્થિતિમાં પૂર્વ ભારતીય કોચ રવિ શાસ્ત્રીએ IPL 2023 વિશે ભવિષ્યવાણી કરી છે.
સ્ટાર સ્પોર્ટ્સના ક્રિકેટ લાઈવ શોમાં શાસ્ત્રીએ તે ટીમ વિશે વાત કરી છે જે તેમને લાગે છે કે આ વખતે પણ ગુજરાત ટાઈટલ જીતશે. શાસ્ત્રીએ IPL 2023 ના વિજેતા તરીકે CSK નહીં પરંતુ ગુજરાત ટાઇટન્સની આગાહી કરી હતી. શાસ્ત્રીએ કહ્યું, ‘હાલનું ફોર્મ અને પોઈન્ટ ટેબલમાં ટીમની વર્તમાન સ્થિતિને જોતા મને વિશ્વાસ છે કે ગુજરાત આ વખતે ફરીથી ટ્રોફી જીતશે. આ ટીમમાં સાતત્ય અને સ્થિતિસ્થાપકતા જોવા મળી છે. કોચે વધુમાં કહ્યું, ‘સાત-આઠ ખેલાડીઓ એવા છે જેઓ સતત સારું પ્રદર્શન કરી રહ્યા છે. ગુજરાતની ટીમના દરેક ખેલાડીઓ સાથે મળીને આગળ વધી રહ્યા છે.’
IPL પોઈન્ટ ટેબલની વાત કરીએ તો ગુજરાત 9 મેચમાં 6 મેચ જીતીને નંબર વન પર છે. લખનૌની ટીમ બીજા નંબર પર છે જેણે 10માંથી 5 મેચ જીતી છે. તે જ સમયે, ધોનીની CSK અત્યારે પોઈન્ટ ટેબલમાં ત્રીજા નંબર પર છે. આ સિવાય રાજસ્થાન ચોથા નંબર પર છે.
Trending News
વાસ્તવમાં, ગત સિઝનમાં પણ ગુજરાત પહેલીવાર IPLમાં પ્રવેશ્યું હતું અને હાર્દિક પંડ્યાની કપ્તાનીમાં ટાઈટલ જીતવામાં સફળ રહ્યું હતું, હવે આ સિઝનમાં પણ હાર્દિકની ટીમ શાનદાર રમત બતાવી રહી છે. જોકે ગત સિઝનથી વિપરીત ધોનીની સીએસકે આ વખતે પણ વધુ સારી રમત બતાવીને ટોપ 4માં જગ્યા બનાવી લીધી છે. બીજી તરફ પૂર્વ દિગ્ગજ હરભજન સિંહે પણ ટોપ 4 ટીમ વિશે પોતાનો અભિપ્રાય આપ્યો છે.
સ્ટાર સ્પોર્ટ્સ પર પોતાનો અભિપ્રાય આપતા ભજ્જીએ કહ્યું, ‘જ્યાં સુધી મને લાગે છે કે, એક તમારું GT નું જોર રહેશે, બીજી ટીમ ચોક્કસપણે ચેન્નાઈ સુપર કિંગ્સ જ રહેશે. ત્રીજી ટીમ મુંબઈ ઈન્ડિયન્સ, તેઓ ખૂબ પાછળ છે. પરંતુ મને લાગે છે કે તે ખૂબ પાછળ છે. આ વખતે મને લાગે છે કે RCB પ્રથમ ટોપ 4માં દેખાશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.