સર રવીન્દ્ર જાડેજા પર લાગ્યા મસમોટા આરોપ, જો સાબિત થયું તો ક્યારેય નહિ રમી શકે ક્રિકેટ!

India Australia 1st Test: ભારત અને ઓસ્ટ્રેલિયા વચ્ચે ચાર મેચની ટેસ્ટ સીરીઝ શરૂ થઈ ગઈ છે. આ સીરીઝમાં નાગપુરમાં રમાઈ રહેલી પ્રથમ ટેસ્ટ મેચના શરૂઆતના દિવસે જ વિવાદ ઉભો થયો હતો. ઓસ્ટ્રેલિયાના મીડિયાએ ટીમ ઈન્ડિયા(Team India)ના સ્ટાર ઓલરાઉન્ડર રવિન્દ્ર જાડેજા પર બોલ સાથે ચેડા કરવાનો આરોપ લગાવ્યો છે. ઓસ્ટ્રેલિયાના મીડિયા આઉટલેટ ફોક્સ ક્રિકેટે રવીન્દ્ર જાડેજા(Ravindra Jadeja) સાથે સંબંધિત એક ક્લિપ શેર કરી છે.

“Interesting.”

A debate has erupted after vision of a questionable moment was spotted during the first innings of the first Test between Australia and India. #INDvAUS https://t.co/APu2CrP3hI

— Fox Cricket (@FoxCricket) February 9, 2023

ફોક્સ ક્રિકેટે કેપ્શનમાં લખ્યું, ‘મજેદાર. ભારત અને ઓસ્ટ્રેલિયા વચ્ચે રમાઈ રહેલી પ્રથમ ટેસ્ટ દરમિયાન સવાલો ઉભી કરતી એક બાબત સામે આવી છે, જેને લઈને ચર્ચા શરૂ થઈ ગઈ છે. આ વિડીયો ક્લિપમાં જોવા મળે છે કે રવીન્દ્ર જાડેજા બોલ ફેંકતા પહેલા સાથી ખેલાડી મોહમ્મદ સિરાજ પાસે જાય છે અને તેની પાસેથી મલમ જેવી વસ્તુ લઈને તેની આંગળીઓ પર લગાવે છે.

ICCના નિયમો અનુસાર, બોલર અથવા ફિલ્ડર તરફથી બોલ પર કંઈપણ મૂકવાની મનાઈ છે અને આવું કરવું બોલ ટેમ્પરિંગની શ્રેણીમાં આવશે. વિડીયો માં રવિન્દ્ર જાડેજા આવું કંઈ કરતો જોવા મળી રહ્યો નથી. ફૂટેજ જોતા જણાય છે કે જાડેજાએ પોતાની આંગળીઓને રાહત આપવા માટે મલમ લગાવ્યું હતું. જો જાડેજાએ બોલ ટેમ્પરિંગ કરવું હોત તો તેણે બોલ પર ક્રીમ લગાવી હોત, પરંતુ ઓસ્ટ્રેલિયન મીડિયાએ આ મામલાને બિનજરૂરી રીતે ઉડાવી દેવાનો પ્રયાસ કર્યો છે.