ભારતીય રિઝર્વ બેંક નોકરીની સુવર્ણ તક: જાણો કઈ તારીખે યોજાશે પરીક્ષા, મળશે 55000 થી વધુનો પગાર

RBI recruitment 2023: જે યુવક-યુવતીઓ બેંક માં નોકરી કરવા માંગે છે તેમના માટે રિઝર્વ બેંક ઓફ ઈન્ડિયાએ ભરતી બહાર પાડી છે. જેઓ RBIમાં નોકરીની અપેક્ષા રાખે છે તેઓ કોઈપણ વિલંબ વિના તરત જ અરજી કરી શકે છે.આ માટેની અરજી પ્રક્રિયા 13 સપ્ટેમ્બરથી શરૂ કરવામાં આવશે.જેઓ RBI(RBI recruitment 2023) સહાયક માટે અરજી કરવા માંગે છે તેઓ RBIની સતાવાર વેબસાઈટ.rbi.org.in પર જઈને અરજી કરી શકે છે.ઉમેદવારો આ પોસ્ટ માટે 4 ઓક્ટોબર અથવા તે પહેલાં અરજી કરી શકે છે.

RBIની આ ભરતીમાં કુલ 450 સહાયક પદો પર ભરતી થવાની જાહેરાત કરી છે. જો તમે પણ RBIમાં નોકરી મેળવવા ઈચ્છો છો, તો અરજી કરતા પહેલા આ બાબતો ધ્યાનથી વાચી લેજો.

અરજી કરવા માટે સ્નાતક હોવું આવશ્યક છે
જો કોઈ પણ ઉમેદવાર આ પોસ્ટ માટે અરજી કરવા માંગે છે તેની પાસે 1 સપ્ટેમ્બર 2023 સુધીમાં કોઈપણ વિષયમાં ઓછામાં ઓછા 50 ટકા માર્ક્સ સાથે સ્નાતકની ડિગ્રી હોવી જરૂરી છે. આ સિવાય SC, ST અને PWD ઉમેદવારો માટે કોઈ ન્યૂનતમ ગુણની આવશ્યકતા રાખવામાં આવી નથી. પરંતુ તે લોકો માટે ગ્રેજ્યુએટ હોવું જરૂરી છે.

ભાષાનું જ્ઞાન હોવું જોઈએ
ચોક્કસ ભરતી કચેરીમાં કોઈપણ પોસ્ટ માટે અરજી કરવા માટે ઉમેદવારોને બધી ભાષાનું જ્ઞાન હોવું આવશ્યક છે. ઉપરાંત ભરતી કચેરી જે રાજ્ય હેઠળ આવે છે તે રાજ્યની ભાષા વાંચતા, લખતા, બોલતા અને સમજી શકતા હોવા જરૂરી છે.