November 18, 2024
રિઝર્વ બેંક ઓફ ઇન્ડિયા (આરબીઆઈ) એ તેની વધારાની રકમમાંથી 99,122 કરોડ રૂપિયા કેન્દ્ર સરકારને આપવાનો નિર્ણય લીધો છે. શુક્રવારે રિઝર્વ બેંકના સેન્ટ્રલ બોર્ડની બેઠકમાં તેને મંજૂરી આપવામાં આવી હતી. આ રકમ જૂલાઈ 2020થી 31 માર્ચ 2021 સુઝી નવ મહિના માટે આપી છે. બોર્ડે એવુ નક્કી કર્યુ છે કે, રિઝર્વ બેંક ઈમરજન્સીનુ જોખમ બફર 5.50 ટકા સુધી જાળવી રાખશે. જલાન સમિતિની ભલામણ મુજબ રિઝર્વ બેંકના 5.5 થી 6.5 ટકા આપત્કાલીન ફંડ તરીકે રાખવા જોઈએ.
બોર્ડ મીટિંગમાં નિર્ણય
શુક્રવાર 21 મેના રોજ રિઝર્વ બેંકના બોર્ડની 589મી બેઠકમાં આ નિર્ણય લેવામાં આવ્યો છે. એક નિવેદનમાં આ નિર્ણય અંગે માહિતી આપતાં રિઝર્વ બેંકે કહ્યું હતું કે, ‘રિઝર્વ બેંકનું હિસાબી વર્ષ એપ્રિલથી માર્ચમાં બદલાયું છે, અગાઉ તે જુલાઈથી જૂન હતું. તેથી બોર્ડે જુલાઈથી માર્ચ 2021 દરમિયાન નવ મહિનાના સંક્રમણ સમયગાળા દરમિયાન ભારતીય રિઝર્વ બેંકની કામગીરી અંગે ચર્ચા કરી હતી. આ સંક્રમણ દરમિયાન બોર્ડે રિઝર્વ બેંકના વાર્ષિક અહેવાલ અને ખાતાઓને મંજૂરી આપી દીધી છે. બોર્ડે કેન્દ્ર સરકારને રૂ. 99,122 કરોડના ટ્રાન્સફરને પણ મંજૂરી આપી દીધી છે.
વર્ષ 2019 માં 1.76 લાખ કરોડ આપ્યા હતા
અત્રે નોંધનીય છે કે, આ પહેલા રિઝર્વ બેંકે વર્ષ 2019 માં મોદી સરકારને 1.76 લાખ કરોડ રૂપિયા ટ્રાન્સફર કર્યા હતા. ત્યારે વિપક્ષ દ્વારા રિઝર્વ બેંકના નિર્ણયની આકરી ટીકા કરવામાં આવી હતી. બિમલ જલાન સમિતિની ભલામણો મુજબ આ રકમ ટ્રાન્સફર કરવામાં આવી હતી.
Trending News
સરપ્લસ ફંડ શું છે
રિઝર્વ બેન્ક વર્ષ દરમિયાન જે સરપ્લસ ફંડ બનાવે છે, તે આખા ખર્ચમાં બાદ કર્યા પછી બાકી રહેલ રકમ, વગેરે તેનું સરપ્લસ ફંડ છે. તે એક પ્રકારનો નફો છે. હવે રિઝર્વ બેંકનો અસલી માલિક સરકાર છે, તેથી નિયમો અનુસાર, રિઝર્વ બેંક આ નફાનો મોટો હિસ્સો સરકારને આપે છે અને તેનો એક ભાગ જોખમ સંચાલન હેઠળ રાખે છે.
સરકારને આપવાનું નક્કી કરો
રિઝર્વ બેંક દર વર્ષે તેની વધારાની રકમથી સરકારના ડિવિડન્ડ ચૂકવે છે. નોંધપાત્ર છે કે, ભારતીય રિઝર્વ બેંકની સ્થાપના વર્ષ 1934 માં કરવામાં આવી હતી અને તેનું સંચાલન ભારતીય રિઝર્વ બેંક એક્ટ 1934 દ્વારા કરવામાં આવે છે. આ કાયદાના પ્રકરણ 4 ની કલમ 47 માં જણાવાયું છે કે, ‘રિઝર્વ બેંકના નફા દ્વારા બાકી રહેલ સરપ્લસ ફંડ કેન્દ્ર સરકારને આપવામાં આવશે.’
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.