ભયંકર માર્ગ અકસ્માતમાં એક સાથે પાંચ મહિલાના મોત- જાણો ક્યા બની આ દર્દનાક ઘટના

છત્તીસગઢ(Chhattisgarh)ની રાજધાની રાયપુર(Raipur)માં એક મોટો રોડ અકસ્માત(Accident) થયો છે. આ અકસ્માતમાં 5 મહિલાઓના ઘટનાસ્થળે જ મોત થયા છે. બુધવારે સવારે આ માર્ગ અકસ્માતમાં ડ્રાઇવર અને અન્ય ચાર મહિલાઓને ગંભીર ઇજા પહોંચી હતી. દરેક વ્યક્તિ કારમાં દુર્ગ જિલ્લાના ભિલાઈ(Bhilai)થી ગારિયાબંધ(Gariabandh)ના રાજિમ જઈ રહ્યા હતા. મહિલાઓ રાજીમ માઘ પુન્ની મેળામાં ભાગ લેવા માટે વહેલી સવારે નીકળી હતી, પરંતુ તેઓ રાયપુરમાં માર્ગ અકસ્માતનો ભોગ બની હતી. કાર બની રહેલા રોડના ડિવાઈડર સાથે અથડાતા મોટો અકસ્માત સર્જાયો હતો.

છત્તીસગઢના રાજીમના સંગમ શહેરમાં 16 ફેબ્રુઆરીથી માઘ પુન્ની મેળો શરૂ થઈ રહ્યો છે. માઘ પૂર્ણિમાના અવસર પર મોટી સંખ્યામાં લોકો સ્નાન કરવા માટે સંગમ પહોંચે છે. બુધવારે સવારે 9 મહિલાઓનું જૂથ ભિલાઈના સુભાષ નગરથી ઝાયલો કારમાં રાજિમ જવા નીકળ્યું હતું. રાજીમ જતી વખતે તેમની કાર રાયપુરના અભાનપુરના કેન્દ્ર પાસે ડિવાઈડર સાથે અથડાઈ હતી. ટક્કર એટલી જોરદાર હતી કે પાંચ મહિલાઓના ઘટનાસ્થળે જ મોત થયા હતા. એક રાહદારીએ પોલીસને અકસ્માતની જાણ કરી, જે બાદ પોલીસ ઘટનાસ્થળે પહોંચી અને રાહત કાર્યમાં લાગી ગઈ. ડ્રાઇવર સહિત અન્ય ગંભીર ઇજાગ્રસ્તોને હોસ્પિટલમાં ખસેડવામાં આવ્યા હતા. મૃતકોમાં સુચિતા સાહુ (65 વર્ષ), કાજલ (60 વર્ષ), સવિતા દાસ (65 વર્ષ), રીના ચૌધરી (75 વર્ષ), રીના દાસ (75 વર્ષ)નો સમાવેશ થાય છે.

મુખ્યમંત્રી ભૂપેશ બઘેલે શોક વ્યક્ત કર્યો:
છત્તીસગઢના મુખ્યમંત્રી ભૂપેશ બઘેલે માર્ગ અકસ્માત પર શોક વ્યક્ત કર્યો છે. સીએમએ કહ્યું કે આ અકસ્માતમાં 5 મહિલાઓના મોત નીપજ્યા છે. આ મહિલાઓ ભિલાઈથી રાજીમ પુન્ની મેળામાં ભાગ લેવા જઈ રહી હતી. કાર ડિવાઈડર સાથે અથડાયા બાદ અકસ્માત સર્જાયો હતો. મુખ્યમંત્રીએ મૃતકોના પરિવારજનો પ્રત્યે ઊંડી સંવેદના વ્યક્ત કરી હતી. સીએમ બઘેલે અધિકારીઓને આ દુર્ઘટનામાં ઘાયલ ડ્રાઇવરને વધુ સારી સારવારની સુવિધા આપવા અને મૃતકોના પરિવારજનોને શક્ય તમામ મદદ કરવા સૂચના આપી છે.