November 16, 2024
દિલ્હીના રોહિણી વિસ્તારના પ્રેમ નગરમાં એક શખ્સની હત્યા કર્યા પછી, લાશ સ્કૂટર પર લઈને ફેરવતો હતો. શેરીઓમાં ચક્કર લગાવ્યા પછી, શબને રોહિણીના એક વિસ્તારમાં ખાલી પ્લોટમાં ફેંકી દેવામાં આવી. પોલીસે સીસીટીવી તસવીરના આધારે આરોપીની ધરપકડ કરી છે.
પોલીસના જણાવ્યા મુજબ, મૃતકનું નામ રવિ છે. તેની હત્યા ફક્ત 77 હજાર રૂપિયાના લેણદેણ માટે કરવામાં આવી હતી. અંકિત નામના વ્યક્તિએ પહેલા રવિના માથા પર હુમલો કર્યો અને ત્યારબાદ રવિનું ગળું દબાવીને હત્યા કરી હતી.
ઘટના બાદ આરોપી અંકિતે શબને છુપાવવાની યોજના બનાવી હતી. રવિના મૃતદેહને કોથળામાં મુક્યો અને છુપાવવા માટે યોગ્ય જગ્યાની શોધ કરતો હતો. લગભગ 2 કિલોમીટર સુધી તે લાશ સાથે ફરતો રહ્યો. થોડો સમય ચાલ્યા પછી આરોપીઓએ મૃતદેહને ખાલી પ્લોટમાં દફનાવી દીધો હતો અને તે સ્થળ પરથી ભાગી ગયો હતો.
Trending News
બીજી તરફ મૃતક રવિના પરિવારજનોએ તેના ગુમ થયાની ફરિયાદ કરી હતી. ફરિયાદ મળતાની સાથે જ પોલીસે તપાસ હાથ ધરી હતી. પોલીસે તપાસ શરૂ કરી ત્યારે, સીસીટીવી કેમેરામાં અંકિત નામનો વ્યક્તિ સ્કૂટર પર કોથળામાં કંઇક લઈ જતો જોવા મળ્યો હતો.
ત્યારબાદ પોલીસે એક પછી એક અનેક સીસીટીવી ફૂટેજ શોધ્યા. સીસીટીવી ફૂટેજમાં બહાર આવ્યું છે કે, આરોપી રવિનો મૃતદેહ તે કોથળામાં લઇ જતો હતો અને ત્યારબાદ લાશને ખાલી પ્લોટમાં છુપાવી હતી. હાલ પોલીસ આ કેસની તપાસ કરી રહી છે અને આરોપીની પૂછપરછ કરવામાં આવી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle