સુરતના પુણા વિસ્તારમાં 15 વર્ષની કિશોરીને સ્કૂલ વાન ચાલકે લગ્નની લાલચે દુષ્કર્મ આચર્યું

સમગ્ર દેશમાં રેપની ઘટનાઓના વિરોધમાં ઉગ્ર દેખાવો થઇ રહ્યા છે. છતા બીજી તરફ મોટા પ્રમાણમાં રેપની ઘટનાઓ સામે આવી રહી છે. સમગ્ર ભારતમાં વાયુવેગે વધતી જતી બળાત્કારની ઘટનાના કારણે દેશ હવે એક શરમજનક સ્થિતિમાં મુકાયો છે. હવે તો બળાત્કારમાં નથી જોવાતી રાત કે નથી જોવાતો દિવસ. આવા બળાત્કારીઓ પોલીસના હાથે ઝડપાયા બાદ પણ કોર્ટમાં ચાલતી લાંબી પ્રક્રિયાના કારણે જામીન પર છૂટવામાં સફળતા મેળવી લે છે. એવી જ એક ઘટના ગુજરાતમાં સામે આવી છે.

ગુજરાતમાં જાણે હવે મહિલા, યુવતી અને બાળકીઓ અસુરક્ષિત હોય તેવું લાગી રહ્યું છે. કારણ કે, રાજ્યમાં અવાર નવાર બળાત્કાર અને છેડતીના કિસ્સાઓ સામે આવી રહ્યા છે. નરાધમોને કડકમાં કડક સજા કરવામાં આવી છે પરંતુ જાણો તેમના મનમાં પોલીસ કે કાયદાનો કોઈ પણ પ્રકારનો ડર ન રહ્યો હોય તેવું લાગી રહ્યું છે. કોઈને-કોઈ જગ્યાએ યુવતીઓ હવસનો શિકાર બનતી હોય છે.

દક્ષીણ ગુજરાતમાં આવેલ સુરતના પુના વિસ્તારમાં સ્કૂલ વાન ચાલકે કિશોરી સાથે દુષ્કર્મ આચર્યું હોવાની ઘટના સામે આવી છે. સ્કૂલવાનના ડ્રાઈવરે કિશોરીને પ્રેમજાળમાં મીઠી મીઠી વાતો કરીને તેની ફસાવી દુષ્કર્મ આચર્યું હતું. આ ઘટનામાં પુણા પોલીસે મહિલા અને વાનચાલકની ધરપકડ કરી છે.

સુરતના પુણા વિસ્તારમાં રહેતી 15 વર્ષની કિશોરી અભ્યાસ અર્થે સ્કૂલ વાનમાં જતી હતી. તે સમયગાળા દરમિયાન જગદીશ અગ્રવાલ નામના સ્કૂલ વેન ચાલાકે કિશોરી સાથે પ્રેમ ભરી વાતો કરી, લગ્નની લાલચ આપીને શારીરિક સંબંધ બાંધ્યા હતાં. જેમાં વાનના ચાલક અને અજાણી મહિલાનો પણ સમાવેશ થતો હોવાથી કિશોરીની બહેને ત્રણેય વિરૂધ્ધ પોલીસમાં ફરિયાદ આપતા પોલીસે ગુનો નોંધી વધુ તપાસ હાથ ધરી છે.