આ જગ્યાએ એક શખ્સ સ્કૂટર પર ફેરવી રહ્યો હતો મૃતદેહ અને…

દિલ્હીના રોહિણી વિસ્તારના પ્રેમ નગરમાં એક શખ્સની હત્યા કર્યા પછી, લાશ સ્કૂટર પર લઈને ફેરવતો હતો. શેરીઓમાં ચક્કર લગાવ્યા પછી, શબને રોહિણીના એક વિસ્તારમાં ખાલી પ્લોટમાં ફેંકી દેવામાં આવી. પોલીસે સીસીટીવી તસવીરના આધારે આરોપીની ધરપકડ કરી છે.

પોલીસના જણાવ્યા મુજબ, મૃતકનું નામ રવિ છે. તેની હત્યા ફક્ત 77 હજાર રૂપિયાના લેણદેણ માટે કરવામાં આવી હતી. અંકિત નામના વ્યક્તિએ પહેલા રવિના માથા પર હુમલો કર્યો અને ત્યારબાદ રવિનું ગળું દબાવીને હત્યા કરી હતી.

ઘટના બાદ આરોપી અંકિતે શબને છુપાવવાની યોજના બનાવી હતી. રવિના મૃતદેહને કોથળામાં મુક્યો અને છુપાવવા માટે યોગ્ય જગ્યાની શોધ કરતો હતો. લગભગ 2 કિલોમીટર સુધી તે લાશ સાથે ફરતો રહ્યો. થોડો સમય ચાલ્યા પછી આરોપીઓએ મૃતદેહને ખાલી પ્લોટમાં દફનાવી દીધો હતો અને તે સ્થળ પરથી ભાગી ગયો હતો.

બીજી તરફ મૃતક રવિના પરિવારજનોએ તેના ગુમ થયાની ફરિયાદ કરી હતી. ફરિયાદ મળતાની સાથે જ પોલીસે તપાસ હાથ ધરી હતી. પોલીસે તપાસ શરૂ કરી ત્યારે, સીસીટીવી કેમેરામાં અંકિત નામનો વ્યક્તિ સ્કૂટર પર કોથળામાં કંઇક લઈ જતો જોવા મળ્યો હતો.