જાણો એવું તો શું થયું કે, RRR જોવા ગયેલા યુવકે થીયેટરમાં તોડ્યો દમ

SS રાજામૌલીની મોસ્ટ અવેઇટેડ ફિલ્મ RRR (SS Rajamouli’s most awaited film RRR) હાલના દિવસોમાં ખુબ જ ચર્ચાસ્પદ બની છે. આ ફિલ્મ 25 માર્ચે સિનેમાઘરોમાં રિલીઝ થઈ ચુકી છે. આ ફિલ્મમાં રામચરણ(Ramcharan), જુનિયર એનટીઆર(Junior NTR), અજય દેવગન(Ajay Devgan) અને આલિયા ભટ્ટ(Alia Bhatt) મુખ્ય ભૂમિકામાં છે. તે જ સમયે, ફિલ્મનો મોર્નિંગ શો જોવા ગયેલા એક ચાહકનું થીયેટરમાં જ મૃત્યુ નીપજ્યું હતું. મૃત્યુનું કારણ હાર્ટ એટેક હોવાનું કહેવાય છે.

મિત્ર તેને હોસ્પિટલ લઈ ગયો:
મીડિયા રિપોર્ટ્સ અનુસાર, આ મૃતકનું નામ ઓબુલેસુ છે અને તેની ઉંમર 30 વર્ષ છે. ઓબુલેસુ આંધ્ર પ્રદેશના અનંતપુરમાં એસવી મેક્સમાં આ ફિલ્મ જોઈ રહ્યો હતો. પરંતુ લાંબા સમય સુધી તેના શરીરમાં કોઈ હલચલ જણાઈ ન હતી, જે બાદ તેના મિત્રો તેને નજીકની હોસ્પિટલમાં લઈ ગયા હતા. જ્યાં ડોક્ટરોએ ઓબુલેસુને મૃત જાહેર કર્યો અને મોતનું કારણ હાર્ટ એટેક જણાવ્યું હતું.

800 કરોડથી વધુની કમાણી કરી ચૂકી છે:
અહેવાલો અનુસાર, ચર્ચાસપ્દ બનેલી RRR એ પ્રી-રીલીઝ કમાણીમાં પણ ઘણા રેકોર્ડ તોડ્યા છે. જાણવા મળ્યું છે કે, ડિસ્ટ્રિબ્યુશન, સેટેલાઇટ, મ્યુઝિક જેવા રાઇટ્સ વેચીને ફિલ્મે રિલીઝ પહેલા જ લગભગ 800 કરોડની કમાણી કરી લીધી છે અને તેના રિલીઝ થયાના પ્રથમ દિવસે આ ફિલ્મે 80 કરોડની કમાણી કરી છે.