આવી દયનીય હાલત છે સરકારી હોસ્ટેલના વિદ્યાર્થીઓની… રહેવાથી લઈને એવું જમવાનું મળે છે કે, ઢોર પણ મોઢું ના લગાડે

ગુજરાત(Gujarat): અમદાવાદ(Ahmedabad)ની સમરસ હોસ્ટેલ(Samaras Hostel)માં અભ્યાસ કરી રહેલા વિધાર્થીઓને પડી રહેલી સમસ્યાઓની જો વાત કરવામાં આવે તો, અહિયાં એટલે કે હોસ્ટેલમાં સવારે જ્યારે વિદ્યાર્થીઓ ઉઠીને તૈયાર થવા નાહવા માટે જાય છે, ત્યારે નાહવાનું પાણી ક્યારેક ક્યારેક આવતું નથી અને આજે પાણી આવતું હતું તો ભર શિયાળે ઠંડુ પાણી આવતું હોવાનું કારણે, ઠંડા પાણીથી નાહવા મજબુર બન્યા હતા. ક્યારેક તો એવું પણ બને છે કે, પાણી આવીને અચાનક જ આવતું બંધ થઈ જાય છે, જેને કારણે વિધાર્થીઓએ ડરે છે અને એક સાથે 2 વિદ્યાર્થીઓ નાહવા માટે જાય છે અને જો કામવાળા બહેન આવે તો નાહવામાં શરમ આવે છે. સાથે જ જોઈ કોઈ વિધાર્થીને સંડાસ જવું હોય તો સંડાસમાં પણ નળ તૂટેલા અથવા પાણી આવતું નથી. વિધાર્થીઓએ એકબીજાને ફોન કરીને પૂછે છે કે કયા માળે પાણી આવે છે. જે વિદ્યાર્થીઓ માટે મોટી મુશ્કેલી છે.

મહત્વનું છે કે, સવારે વિદ્યાર્થીઓને જે નાસ્તો આપવામાં આવે છે તે નાસ્તામાં પણ કોઈ જાતના ઠેકાણા હોતા નથી. સવારે ચણા અને મગ નાસ્તામાં હોય છે અને જેનો સ્વાદ તીખો હતો જેથી વિદ્યાર્થીઓ સરખી રીતે ખાઈ નથી શકતા. આ ઉપરાંત તેની સાથે એક ચા આપવામાં આવતી હતી જે એક નાના કપમાં આપવામાં આવતી હતી અને એ પણ એક જ વખત આપવામાં આવે છે. મહત્વનું છે કે, ચા 80 ml આપવામાં આવે છે જેની સામે વિધાર્થીઓ દ્વારા સવાલ કરવામાં આવે તો ટેન્ડરમાં આટલી જ આવશે તે પ્રકારના જવાબ આપવામા આવે છે. જેને કારણે વિદ્યાર્થીઓએ બહાર જઈને ચા નાસ્તો કરવો પડે છે.

અત્રે ઉલ્લખનીય છે કે, વિધાર્થીઓને બપોરે જમવાનું આપવામાં આવે છે તેમા પણ રોટલી કાચી કે બળેલી હોય છે. સાથે જ આવી રોટલી લેવા પણ લાંબી લાઇન લાગે છે ત્યારે માત્ર એક રોટલી મળે છે. રોટલી પણ પુરી થઈ જાય છે. શાક ખાવામાં આવે તો શાકમાં ક્યારેક મોળું હોય તો ક્યારેક ખારું એટલે કે જે સ્વાદ મળવો જોઈએ તે પ્રકારનો સ્વાદ મળતો જ નથી. રાતના જમવાના પણ આ પ્રકારની જ સમસ્યા હોય છે એટલે હવે હોસ્ટેલના વિદ્યાર્થીઓ કંટાળી ગયા છે. વિદ્યાર્થીઓ પૈસા આપીને પણ સારી સગવડ મળે તેવી હોસ્ટેલ પાસે આશા રાખી રહ્યા છે.