November 05, 2024
Seema Haider elections in 2024: સચિનના પ્રેમ માટે ચાર બાળકો સાથે નેપાળ થઈને ગેરકાયદેસર રીતે ભારત આવેલી પાકિસ્તાની મહિલા સીમા હૈદરે(Seema Haider) એક ફિલ્મ સાઈન કરી લીધી છે. ટૂંક સમયમાં તે અભિનેત્રી બનવા જઈ રહી છે. તમે આ સમાચાર સાંભળ્યા જ હશે. તે જ સમયે, હવે એક પાર્ટીએ સીમાને તેના પ્રતીક પર ચૂંટણી લડવાની જાહેરાત કરી છે. હા તમે સાચું વાંચ્યું. હવે સીમા હૈદરની રાજકારણમાં એન્ટ્રી થઈ છે.
સીમા હૈદરને રિપબ્લિકન પાર્ટી ઓફ ઈન્ડિયા (RPI), NDAના સહયોગી અને કેન્દ્રીય મંત્રી રામદાસ આઠવલેને પાર્ટીમાં જોડાવા માટે આમંત્રણ આપવામાં આવ્યું છે. કહેવામાં આવી રહ્યું છે કે, સીમા હૈદરે પણ RPIનું આમંત્રણ સ્વીકાર્યું છે. પાર્ટીના અધિકારીઓનો દાવો છે કે, સીમાને પાર્ટીની મહિલા પાંખની અધ્યક્ષ બનાવવામાં આવશે. આ સાથે તેમની બોલવાની શૈલીને ધ્યાનમાં લઈને પાર્ટીના પ્રવક્તા પણ બનાવવામાં આવશે. પાર્ટીએ પણ સીમા હૈદરને રિપબ્લિકન પાર્ટી ઓફ ઈન્ડિયાના ચિહ્ન પર ચૂંટણી લડવાની વાત કરી છે. હવે બસ પાર્ટી સુરક્ષા એજન્સીઓની તપાસમાં સીમાને ક્લીનચીટ મળે તેની રાહ જોઈ રહી છે.
Trending News
‘સીમાનું પાર્ટીમાં સ્વાગત કરવામાં આવશે’
માહિતી આપતા રિપબ્લિકન પાર્ટી ઓફ ઈન્ડિયાના રાષ્ટ્રીય ઉપાધ્યક્ષ માસૂમ કિશોરે કહ્યું કે, સીમા હૈદર પાકિસ્તાની નાગરિક છે અને ભારત આવી છે. જો સીમાને અમારી સુરક્ષા એજન્સીઓ દ્વારા ક્લીનચીટ મળે છે અને ભારતીય નાગરિકતા મળે છે, તો સીમાને પાર્ટીમાં આવકારવામાં આવશે. બાબાસાહેબે બનાવેલો કાયદો છે કે, જેની પાસે ભારતીય નાગરિકત્વ છે તે ગમે ત્યાંથી ચૂંટણી લડી શકે છે.
વધુમાં કહ્યું કે, અત્યાર સુધીની તપાસમાં તેની સામે કોઈ દોષ સાબિત થયો નથી. જો તેણીને સુરક્ષા એજન્સીઓ તરફથી ક્લીનચીટ મળે છે, તો અમે તેને પ્રવક્તા પણ બનાવીશું કારણ કે તે સારી વક્તા છે. જો તેને ભારતની નાગરિકતા મળશે તો તે રિપબ્લિકન પાર્ટીના સિમ્બોલ પર પણ ચૂંટણી લડશે. 2024માં પણ ચૂંટણી લડી શકે છે. શરત માત્ર એટલી છે કે તેને નાગરિકતા મળવી જોઈએ.
જણાવી દઈએ કે, રામદાસ આઠવલે રાજ્યસભાના સાંસદ છે અને કેન્દ્ર સરકારમાં સામાજિક ન્યાય અને સશક્તિકરણ રાજ્ય મંત્રી છે. થોડા દિવસો પહેલા તેણે મણિપુર હિંસા અંગે નિવેદન આપ્યું હતું કે, આ હિંસામાં આતંકવાદીઓનો હાથ છે. તેમણે કહ્યું હતું કે, મ્યાનમારથી મણિપુરમાં ઘૂસણખોરી કરીને આવી સ્થિતિ સર્જાઈ રહી છે. રાજ્ય હોય કે કેન્દ્ર સરકાર, તેઓ આ ઘટના પર સતત નજર રાખી રહ્યા છે. તેઓ રિપબ્લિકન પાર્ટી ઓફ ઈન્ડિયાના રાષ્ટ્રીય અધ્યક્ષ છે. મહારાષ્ટ્રમાં તેમની પાર્ટીની સારી વોટબેંક માનવામાં આવે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube