શાહીનબાગમાં CAA વિરુદ્ધ આંદોલન કરનારને આજે ભાજપે પેંડો ખવડાવીને કેસરિયો પહેરાવ્યો

દિલ્હીના શાહીન બાગના સામાજિક કાર્યકર અને સીએએ વિરુદ્ધ ભાજપ સરકારનો વિરોધ કરનારા શાહજાદ અલી રવિવાર (16 ઓગસ્ટ, 2020) ના રોજ દિલ્હી ભાજપ પ્રમુખ આદેશ ગુપ્તા અને પાર્ટીના નેતા શ્યામ જાજુની હાજરીમાં ભગવા પક્ષમાં જોડાયા હતા. ભાજપમાં જોડાયા બાદ શાહજાદ અલીએ કહ્યું કે અમારા સમુદાયના એવા લોકોને ખોટા સાબિત કરવા માટે હું ભાજપમાં જોડાયો છું, જેમને લાગે છે કે ભાજપ આપણો દુશ્મન છે. તેમણે કહ્યું કે અમે સીએએની ચિંતાઓ પર સાથે બેસીશું.

શાહજાદ અલી થોડા દિવસો પહેલા સુધી ભાજપનો વિરોધી હતો અને શાહીન બાગમાં સરકાર વિરુદ્ધ CAA વિરુદ્ધ થયેલા આંદોલન માં મુખ્ય આંદોલનકારીઓમાં શામેલ હતો. શાહીન બાગમાં ધરણાનો અંત આવ્યો ત્યારથી તેમનું વલણ બદલાયું હોય તેવું લાગી રહ્યું છે. તેણે સોશિયલ મીડિયા પર સરકારની તરફેણ કરવાનું શરૂ કર્યું.

Delhi: Shaheen Bagh social activist Shahzad Ali joins BJP in presence of State BJP President Adesh Gupta & leader Shyam Jaju. Shahzad Ali says, “I have joined BJP to prove wrong those in our community who think BJP is our enemy. We’ll sit together with them over CAA concerns.” pic.twitter.com/bJyhGp7MMb

— ANI (@ANI) August 16, 2020

આગામી સપ્તાહમાં દિલ્હી ભાજપ અધિકારીઓની નવી ટીમની જાહેરાત થવાની સંભાવના છે. ભાજપના વરિષ્ઠ નેતાએ કહ્યું કે નવી નિમણૂકો અંગે ચર્ચાઓ અંતિમ તબક્કામાં છે અને આગામી સપ્તાહમાં આ અંગેની જાહેરાત થવાની સંભાવના છે. તેમણે કહ્યું કે વિવિધ પદ માટેના નેતાઓનાં નામ લગભગ નક્કી થઈ ચૂક્યાં છે. આરએસએસના નેતૃત્વ સાથેની બેઠકમાં આ સપ્તાહની શરૂઆતમાં દિલ્હી ભાજપના નેતાઓ દ્વારા સંગઠનાત્મક બાબતો પર ચર્ચા કરવામાં આવી હતી અને આગામી 1-2 દિવસમાં બીજી બેઠક યોજાવાની છે.