સુરતમાં વધુ એક કાંડ આવ્યો સામે! ભાજપનાં ગ્રૃપમાં અશ્લીલ વીડિયો શેર કર્યો – જુઓ વાયરલ થયેલ ફોટા

શિસ્તબધ્ધ પક્ષ ગણતા ભાજપના કાર્યકરો અને હોદેદારો હવે બેફામ બન્યા છે. એક જ અઠવાડિયામાં ભાજપના કાર્યકર્તાઓ દ્વારા ભાજપનાં વોટ્સએપ ગ્રૃપમાં અશ્લીલ વીડિયો શેર કરવાની ત્રીજી ઘટના બની છે. મહિલાઓ ધરાવતાં વોટ્સએપ ગ્રુપમાં અશ્લિલ વીડિયો કાર્યકરો દ્વારા શેર કરવામાં આવતાં શિસ્તબધ્ધ પાર્ટીના લીરેલીરા ઉડ્યા હોવાનો વધુ એક કિસ્સો સુરતમાં બનાવ પામ્યો છે.

આ પહેલા પણ અનેકવાર ઘટનાઓ બની હોવા છતાં ભાજપ દ્વારા કોઈ કાર્યવાહી કરવામાં ન આવતાં વોટ્સએપ ગ્રૃપમાં સતત અશ્લીલ વીડિયો શેર કરવાની ઘટનાઓ સામે આવી રહી છે. સુરતમાં વોર્ડ નંબર 27ના ભાજપના કાર્યકર્તાએ ગંદી ગાળો બોલતો અશ્લીલ વીડિયો વોટ્સએપ ગ્રૃપમાં શેર કર્યો હતો. બિભત્સ ગાળો બોલતાં નીતિન મોદીએ ટિકટોક વીડિયો શેર કર્યો હતો. આ ગ્રૃપમાં ભાજપનાં સાંસદ, ધારાસભ્ય, કોર્પોરેટરો પણ સામેલ છે.

આ ગ્રુપમાં સાંસદ દર્શના જરદોષ, ધારાસભ્ય હર્ષ સંઘવી, સંગીતા પાટીલ, કોર્પોરેટર હિમત બેલડીયા અને વિજય ચૌમાલ સહીતના આગેવાનો સભ્યો હોવા છતા કાર્યકર્તાએ બિભત્સ ગાળો બોલતો વીડિયો શેર કરતા વિવાદ સર્જાયો છે. જોકે ‌નિતીન મોદી નામના ભાજપના કાર્યકર્તાએ આવો કોઇ વીડિયો શેર કર્યો નથી એવો દાવો વોર્ડનં ૧૭ના ભાજપના આગેવાનો દ્વારા કરવામાં આવ્યો હતો. જોકે આ વીડીયો ભુલથી શેર થઇ ગયો હોવાનું ખુદ નિતીન મોદીએ જણાવ્યું હતું.