November 17, 2024
જાપાનના પૂર્વ વડાપ્રધાન શિન્ઝો આબે (Former Prime Minister of Japan Shinzo Abe) ની આજે ગોળી મારીને હત્યા કરવામાં આવી હતી. આ ઘટના ત્યારે બની જ્યારે આબે જાપાનના શહેર નારામાં એક રેલીને સંબોધિત કરી રહ્યા હતા. ઘટનાને અંજામ આપનાર શકમંદની પોલીસે સ્થળ પરથી ધરપકડ કરી હતી. હુમલાખોરે પૂર્વ પીએમને પાછળથી ગોળી મારી હતી. પોલીસે તેની પાસેથી એક બંદૂક પણ મળી આવી છે. ચાલો જાણીએ એ હુમલાખોર વિશે જેણે પૂર્વ પીએમ શિન્ઝો આબેને ગોળી મારી હતી…
ભૂતપૂર્વ વડા પ્રધાન શિન્ઝો આબે શુક્રવારે સ્થાનિક સમય અનુસાર સવારે 11:30 વાગ્યે નારા શહેરમાં કોન્સ્યુલર ચૂંટણી માટે ભાષણ આપી રહ્યા હતા. આ રેલી નારા શહેરમાં યમાતોસૈદાઈજી સ્ટેશન પાસે યોજાઈ હતી. પોલીસના જણાવ્યા અનુસાર, બે ગોળીઓ ચાલી છે. આમાં કેટલાક લોકો ઘાયલ થયા હોવાનું કહેવાય છે. પૂર્વ પીએમ શિન્ઝો આબેને પીઠમાં ગોળી વાગી હતી. હોસ્પિટલમાં ત્રણ કલાક સુધી તેની સારવાર કરવામાં આવી, પરંતુ તેનો જીવ બચાવી શકાયો ન હતો.
ગણતરીની મીનીટમાં મારી ગોળી
અહેવાલ મુજબ ઘટના સમયે યોમિઉરી શિમ્બુન ઘટનાસ્થળે હતા. તેમણે મીડિયાને જણાવ્યું કે પૂર્વ પીએમ શિંજો આબે સવારે 11.20 વાગ્યે સ્થળ પર પહોંચ્યા હતા. તેણે લિબરલ ડેમોક્રેટિક પાર્ટીના કોન્સ્યુલર ઉમેદવારનો પરિચય આપવાનું શરૂ કર્યું ત્યારે એક યુવકે પાછળથી ગોળીબાર કર્યો. એ વખતે જોરદાર અવાજ સંભળાયો. યુવક પાસે લાંબી નળી જેવું હથિયાર હતું.
Trending News
15 મિનિટ પછી એમ્બ્યુલન્સ આવી
જાપાની પત્રકાર યોમિયુરી શિમ્બુનના જણાવ્યા અનુસાર, પૂર્વ પીએમને ગોળી માર્યાની 15 મિનિટ પછી એમ્બ્યુલન્સ આવી. આ સાથે તેને હોસ્પિટલ લઈ જવામાં આવ્યા હતા. ત્યાં સુધીમાં ઘણું લોહી વહી ગયું હતું. ગોળી માર્યા બાદ આબેને હાર્ટ એટેક પણ આવ્યો હતો. આબે, 67 વર્ષની ઉંમરે પહેલેથી જ ગંભીર બિમારીઓ સામે લડી રહ્યા હતા.
કોણ છે હત્યારો?
અહેવાલ મુજબ, શિન્ઝો આબેને ગોળી મારનાર શકમંદનું નામ ટેત્સુયા યામાગામી છે. તેની ઉંમર 41 વર્ષની છે. તે નારા શહેરનો રહેવાસી છે. પોલીસ હજુ તેની પૂછપરછ કરી રહી છે. તે જાપાની નેવીના ભૂતપૂર્વ સૈનિક હોવાનું કહેવાય છે. તેઓ 2005માં નિવૃત્ત થયો હતો. આરોપીએ પૂછપરછ દરમિયાન હત્યાનો પ્રયાસ કર્યાની કબૂલાત કરી છે. તેણે કહ્યું છે કે તે આબેથી “અસંતુષ્ટ” હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.