સુરતના 4000 દર્દીઓના જીવ જોખમમાં મુકાયા- જો આવું થશે તો ગણતરીની મીનીટોમાં જ થશે હજારોના મોત

કોરોના મહામારીથી બચવા આજે દરેક લોકો થતા પ્રયત્નો કરી રહ્યા છે, હવે લોકો સમજી ગયા છે કે, પાણી હવે માથા ઉપરથી વહેવા લાગ્યું છે. કોરોનાએ આજે રાજ્યના મોટાભાગના મહાનગરોમાં પોતાનો પગપેસારો કરી દીધો છે. મહાનગરોના મોટાભાગના ઘરોમાં કોરોનાએ પોતાનું સ્વરૂપ બતાવ્યું છે અને લોકોએ કોરોનાને ગંભીરતા પૂર્વક લેવાનું શરુ કર્યું છે. પરિસ્થિતિ એવી સર્જાઈ છે કે, હવે સુરતમાં પણ છેલ્લા ઘણાં સમયથી ઓક્સિજનનો જથ્થો પણ પુરતો મળતો નથી.

હાલ સુરતની ખાનગી હોસ્પિટલોમાં 6 થી 7 કલાક ચાલે તેટલો જ ઓક્સિજનનો જથ્થો છે. જો આ દરમિયાન વ્યવસ્થા નહિ થઈ શકે તો 4000 દર્દીઓના જીવને જોખમ હોવાથી મુખ્યમંત્રી ઓક્સિજનની વ્યવસ્થા કરવાની ડોક્ટરોએ કાકલૂદી કરી હતી.

સુરત શહેરમાં ઓક્સિજનના સપ્લાય પર કાપ મૂકવામાં આવતા શહેરની ખાનગી હોસ્પિટલોમાં દાખલ 4000થી વધુ કોરોના પેશન્ટને જાનનું જોખમ ઊભું થતા આજે ઇન્ડિયન મેડિકલ એસોસિયેશનના કોરોના એક્શન કમિટી દ્વારા સુરત જિલ્લા કલેકટરને રજૂઆત કરવામાં આવી હતી કે સુરત શહેરની પરિસ્થિતિ છેલ્લા 24 કલાકથી ખૂબ ગંભીર બની ગઈ છે.

સુરત શહેરની ખાનગી હોસ્પિટલો પાસે 6 થી 7 કલાક ચાલે એટલો જ ઓક્સિજનનો જથ્થો છે. જો આ સમય દરમિયાન પૂરતા પ્રમાણમાં ઓક્સિજનની વ્યવસ્થા કરવામાં નહીં આવે તો દર્દીઓને જાનનું જોખમે થશે. ઓક્સિજનની અછતને લઈ લોકોના જીવ જોખમમાં મુકાયા છે. આ દરમિયાન સુરત બાદ મોરબીમાં પણ માત્ર સાંજ સુધી ચાલે તેટલો ઓક્સિજન ઉપલબ્ધ છે. જાણવા મળ્યું છે કે, કચ્છ અને રાજકોટથી આવતો ઓક્સિજનનો જથ્થો પણ બંધ રહેતા દર્દીઓના જીવ જોખમમાં મુકાયા છે. પૂર્વ ધારાસભ્ય કાંતિલાલ અમૃતિયા સહિત સાંસદ દ્વારા સીએમ પાસે ઓક્સિજનની માંગણી કરવામાં આવી હતી.