શ્રદ્ધાને ઘણું સમજાવી તો કહ્યું- ‘હું આજથી તમારી દીકરી નથી’ અને… સાંભળો દીકરીના મોતથી ભાંગી પડેલા પિતાએ શું કહ્યું

આજરોજ દિલ્હીમાં ધ્રુજાવી દેતી ઘટના સામે આવી હતી. જેમાં એક પ્રેમીએ પોતાની જ પ્રેમિકાની ક્રુરતા પૂર્વક હત્યા કરી હતી. શ્રદ્ધા નામની યુવતી એક મુસ્લિમ યુવક સાથે લિવ-ઇનમાં રહેતી હતી. પરંતુ તેના જ પ્રેમીએ તેની દર્દનાક હત્યા કરી હતી.

દીકરીના મૃત્યુ પર શ્રદ્ધાના પિતા વિકાસ મદન વોકરે જણાવતા કહ્યું કે, ‘દીકરી શ્રદ્ધા અને આફતાબના આ સંબંધોની અમને જાણ લગભગ 18 મહિના પછી થઈ હતી.’ વધુમાં શ્રદ્ધાના પિતાએ જણાવ્યું કે, ‘દીકરી શ્રદ્ધાએ વર્ષ 2019 માં તેની માતાને કહ્યું કે તે એક મુસ્લિમ યુવક સાથે લિવ-ઇનમાં રહે છે. શ્રદ્ધાની વાત સાંભળતા જ અમે તેનો વિરોધ પણ કર્યો હતો.’

શ્રદ્ધાના પિતાએ વધુમાં જણાવ્યું કે, ‘શ્રદ્ધાએ એમને કહ્યું હતું કે હું 25 વર્ષની થઈ ગઈ છું, હું મારા નિર્ણય જાતે જ લઈશ. અને મને મારા નિર્ણય લેવાનો સંપૂર્ણ અધિકાર છે. હું રાજી ખુશીથી આફતાબ સાથે લિવ-ઇનમાં રહેવા માંગુ છું. અને આજથી મને તમારી દીકરી માનતા નહીં.’ આટલું કહીને શ્રદ્ધા ઘર છોડી નીકળી ગઈ હતી, શ્રદ્ધાની મમ્મીએ તેને ખૂબ આજીજી કરી પણ પોતાના માતા પિતાનું એક પણ સાંભળ્યું નહોતું. અને પોતાનો પરિવાર છોડી મુસ્લિમ પ્રેમી સાથે લિવ-ઇનમાં રહેવા જતી રહી હતી.