પ્રેમી સાથે ‘ધ કેરલા સ્ટોરી’ જોવા ગઈ પ્રેમિકા, થિયેટરની બહાર નીકળતા જ કરી નાંખ્યો કેસ- કારણ જાણી ચોંકી જશો

The Kerala Story News: હાલમાં જ રિલીઝ થયેલી બોલિવૂડ ફિલ્મ ‘ધ કેરલા સ્ટોરી’ ચર્ચામાં છે. ક્યાંક પ્રતિબંધિત તો ક્યાંક ટેક્સ ફ્રી, આ ફિલ્મ રાજકીય દ્રષ્ટિએ પણ ઘણી લોકપ્રિય રહી છે. આ દરમિયાન મધ્યપ્રદેશ (Madhya Pradesh)માંથી એક મોટો મામલો સામે આવ્યો છે. અહીં ઈન્દોર (Indore) શહેરની એક યુવતી તેના મુસ્લિમ બોયફ્રેન્ડ (Muslim boyfriend) ફૈઝાન સાથે ધ કેરળ સ્ટોરી જોવા ગઈ હતી અને થિયેટરમાંથી બહાર આવ્યા બાદ તેણે તે જ બોયફ્રેન્ડ વિરુદ્ધ ગંભીર કલમો (love jihad case) હેઠળ કેસ દાખલ કર્યો હતો. પોલીસે તેના બોયફ્રેન્ડની ધરપકડ કરી છે.

વાસ્તવમાં, ઈન્દોરના ખજરાના પોલીસ સ્ટેશન વિસ્તારમાં, એક યુવતીએ બે દિવસ પહેલા તેના બોયફ્રેન્ડ સાથે આ ફિલ્મ જોઈ હતી અને ફિલ્મ જોયા પછી જ યુવતીની તેના બોયફ્રેન્ડ સાથે ધર્મ પરિવર્તનને લઈને મોટી દલીલ થઈ હતી. યુવતીએ હવે તેના બોયફ્રેન્ડ ફૈઝાન પર ધર્મ પરિવર્તન માટે દબાણ કરવાથી લઈને તેના પર બળાત્કારના ગંભીર આરોપો લગાવ્યા છે.

યુવતીએ લગાવ્યા બળાત્કારના આરોપ:

મધ્યપ્રદેશ પોલીસે યુવતીની ફરિયાદ પર ફૈઝાન નામના વ્યક્તિ વિરુદ્ધ લવ જેહાદનો કેસ પણ નોંધ્યો હતો. પીડિત યુવતીનો આરોપ છે કે ફૈઝાને તેનું અસલી નામ છુપાવીને તેની સાથે મિત્રતા કરી હતી અને પછી તેની સાથે બળાત્કાર કર્યો હતો અને બાદમાં તેના પર ધર્મ પરિવર્તન માટે દબાણ કર્યું હતું.

યુવતીની ફરિયાદ અને ફૈઝાનની ધરપકડ વચ્ચે ખજરાના પોલીસ સ્ટેશન વિસ્તારના સ્ટેશન ઈન્ચાર્જ દિનેશ વર્માએ જણાવ્યું કે, પીડિતાએ હારૂન કોલોનીમાં રહેતા મોહમ્મદ ફૈઝાન ખાન વિરુદ્ધ ફરિયાદ નોંધાવી હતી. તેના કહેવા પ્રમાણે, યુવતીની ઓળખ 4 વર્ષ પહેલા કોચિંગ ક્લાસમાં મોહમ્મદ ફૈઝાન સાથે થઈ હતી અને પછી સંબંધ બંધાયો હતો.