Sikkim પૂરમાં અત્યાર સુધી સાત ભારતીય સેનાના જવાનોના મૃતદેહ મળ્યા, સૈનિકો સહીત 51 પર પહોંચ્યો મૃત્યુઆંક

Sikkim Flood: સિક્કિમમાં કુદરતનો કહેર જોવા મળ્યો હતો, જ્યાં વાદળ ફાટવાને કારણે લગભગ 51 લોકોના મોત થયા ચુક્યા છે. અત્યાર સુધીમાં સિક્કિમની તિસ્તા નદીમાંથી 26 અને બંગાળમાં 25 મૃતદેહો બહાર કાઢવામાં આવ્યા છે. આ અકસ્માતમાં પાક્યોંગ જિલ્લાના બરદાંગ આર્મી કેન્ટોનમેન્ટમાંથી ગુમ થયેલા 22 સૈનિકોમાંથી (Sikkim Flood Indian Army Jawan Martyr) સાતના મૃતદેહ મળી આવ્યા છે.

દરમિયાન, રાજ્યના મુખ્ય પ્રધાન પ્રેમ સિંહ તમંગે મંગળવારે મોડી રાત્રે થયેલા અકસ્માત અંગે અગાઉની સરકારને આડે હાથે લીધી હતી. તેમણે કહ્યું કે સિક્કિમમાં વાદળ ફાટ્યા બાદ સ્થિતિ જોખમી અને બેકાબૂ બની ગઈ હતી, કારણ કે બંધના નિર્માણને કારણે ગૌણ સામગ્રીનો ઉપયોગ કરવામાં આવ્યો હતો. મુખ્યમંત્રીએ વધુમાં કહ્યું કે આ કારણે જ આટલા મોટા પાયે જાનમાલનું નુકસાન થયું છે.

વાદળ ફાટ્યા બાદ દક્ષિણ લોનાક તળાવનું પાણીનું સ્તર વધીને ચુંગથાંગ હાઇડ્રોઇલેક્ટ્રિક પ્રોજેક્ટ તિસ્તા સ્ટેજ-3 ડેમ સુધી પહોંચ્યું હતું. ડેમ નબળી ગુણવત્તાની સામગ્રીથી બનેલો હતો, જે વધતા પાણીને સંભાળી ન શક્યો. જ્યારે સરોવર અને ડેમનું પાણી એકસાથે નદીમાં આવ્યું ત્યારે તિસ્તા નદીએ વિકરાળ સ્વરૂપ ધારણ કર્યું હતું. તમને જણાવી દઈએ કે આ અકસ્માત બાદ લગભગ 142 લોકો ગુમ છે. સિક્કિમ સરકાર મૃતકોના પરિજનોને 4-4 લાખ રૂપિયાનું વળતર આપશે. તે જ સમયે, રાહત શિબિરોમાં રહેતા દરેકને 2,000 રૂપિયાની આર્થિક સહાય આપવાની જાહેરાત કરવામાં આવી છે.

માહિતી આપતા જિલ્લા પ્રશાસને જણાવ્યું કે પાક્યોંગ જિલ્લામાંથી 9 નાગરિકો અને સાત સેનાના જવાનોના મૃતદેહ મળી આવ્યા છે. અસરગ્રસ્ત વિસ્તારમાં રાહત અને બચાવ કાર્ય ચાલુ છે. ભારતીય સેનાના સૈનિકો, SDRF, NDRF, સિક્કિમ પોલીસ અને સામાન્ય નાગરિકો સતત બચાવ કાર્યમાં લાગેલા છે. અત્યાર સુધીમાં 2413 લોકોને બચાવી લેવામાં આવ્યા છે. વાદળ ફાટવાના કારણે 1173 જેટલા મકાનોને નુકસાન થયું હતું. દરમિયાન, મુખ્ય પ્રધાન પ્રેમ સિંહ તમંગે અસરગ્રસ્ત વિસ્તારોની મુલાકાત લીધી હતી અને આ માટે અગાઉની સરકારોને જવાબદાર ઠેરવતા તપાસનો આદેશ આપ્યો હતો.