IPL 2023 દરમિયાન Virat Kohli પર લાગ્યો ગંભીર આરોપ! LSG સામેની મેચમાં કરી એવી હરકત કે….

લખનૌ સુપર જાયન્ટ્સ સામે રમાયેલી મેચમાં રોયલ ચેલેન્જર્સ બેંગ્લોરને 1 વિકેટથી હારનો સામનો કરવો પડ્યો હતો. પરંતુ આ મેચમાં ભારતીય ક્રિકેટ ટીમના પૂર્વ કેપ્ટન અને રોયલ ચેલેન્જર્સ બેંગ્લોરના સ્ટાર બેટ્સમેન વિરાટ કોહલીના બેટથી શાનદાર ઇનિંગ જોવા મળી હતી. તેણે આ સિઝનની બીજી અડધી સદી ફટકારી. આ દરમિયાન એક દિગ્ગજ ખેલાડીએ વિરાટ કોહલી(Virat Kohli latest news) પર ગંભીર આરોપ લગાવ્યા છે જેનાથી ક્રિકેટ જગતમાં ખળભળાટ મચી ગયો છે.

આ દિગ્ગજે વિરાટ પર લગાવ્યો આરોપ 
આ મેચમાં ધમાકેદાર શરૂઆત કરતા વિરાટ કોહલીએ 44 બોલમાં 61 રનની શાનદાર ઇનિંગ રમી હતી. પરંતુ તેમ છતાં ન્યૂઝીલેન્ડ ક્રિકેટ ટીમના પૂર્વ બોલર સિમોન ડોલે વિરાટ કોહલીની ટીકા કરી છે. મેચ દરમિયાન કોમેન્ટ્રી કરતા ન્યુઝીલેન્ડના પૂર્વ ખેલાડી અને કોમેન્ટેટર સિમોન ડોલે વિરાટ વિશે કહ્યું કે, “કોહલી ફક્ત પોતાના રેકોર્ડની જ ચિંતા કરે છે.” તેમના નિવેદન બાદ હોબાળો મચી ગયો છે.

આ કારણે સાઈમન ડુલે આપ્યું મોટું નિવેદન 
લખનઉ સુપર જાયન્ટ્સ સામે રમાયેલી આ મેચમાં વિરાટ કોહલીએ પોતાના શરૂઆતી 42 રન માત્ર 25 બોલમાં બનાવ્યા હતા. પરંતુ આ પછી કોહલીએ પોતાની અડધી સદી પૂરી કરવા માટે 10 બોલનો સામનો કર્યો એટલે કે 8 રન બનાવ્યા. આવી સ્થિતિમાં, ટિપ્પણી કરતી વખતે, સિમોન ડુલે કહ્યું, ‘કોહલીએ હાઇ-સ્પીડ ટ્રેનની જેમ શરૂઆત કરી. તે ઝડપી શોટ ફટકારી રહ્યો હતો. એવું લાગતું હતું કે તમે હથોડી ચલાવી રહ્યા છો. બાદમાં તેણે 42 થી 50 સુધી પહોંચવા માટે 10 બોલનો સામનો કર્યો. એવું લાગતું હતું કે તે પોતાના રેકોર્ડને લઈને ચિંતિત છે. મને નથી લાગતું કે આ રમતમાં આ માટે જગ્યા છે. તમારે સતત રન બનાવવા જોઈએ, ખાસ કરીને જ્યારે તમારી પાસે ઘણી વિકેટ બાકી હોય.

લખનૌની ટીમ છેલ્લા બોલ પર જીતી ગઈ
એમ ચિન્નાસ્વામી સ્ટેડિયમમાં યોજાયેલી આ મેચમાં લખનૌના કેપ્ટન કેએલ રાહુલે ટોસ જીતીને આરસીબીને પ્રથમ બેટિંગ માટે આમંત્રણ આપ્યું હતું. RCBએ વિરાટ કોહલી (61), કેપ્ટન ફાફ ડુ પ્લેસિસ (અણનમ 79) અને ગ્લેન મેક્સવેલ (59)ની ઝડપી ઇનિંગને કારણે 2 વિકેટના નુકસાન પર 212 રન બનાવ્યા હતા. જવાબમાં નિકોલસ પૂરન (62) અને માર્કસ સ્ટોઇનિસ (65)ની જબરદસ્ત ઇનિંગ્સની મદદથી લખનૌએ 9 વિકેટના નુકસાને 213 રન બનાવીને જીત મેળવી હતી. IPL 2023માં RCBની આ બીજી હાર હતી.