April 27, 2024
RR vs CSK IPL 2023: મહેન્દ્ર સિંહ ધોની (Mahendra Singh Dhoni)ને ‘કેપ્ટન કૂલ’ કહેવામાં આવે છે. ધોનીએ છેલ્લા 17 વર્ષમાં IPL માં ટીમ ઈન્ડિયા અને ચેન્નાઈ સુપર કિંગ્સ(CSK)ની કેપ્ટનશિપ દરમિયાન આ ખિતાબ હાંસલ કર્યો છે. વાસ્તવમાં, મહેન્દ્ર સિંહ ધોની મેચ દરમિયાન ગમે તેવી પરિસ્થિતિ હોય તો પણ શાંત રહીને તેની વ્યૂહરચના અમલમાં મૂકે છે અને કેપ્ટન તરીકેની તેની સફળતાનો આ મૂળ મંત્ર છે. આ જ કારણ છે કે તે માત્ર ભારતમાં જ નહીં પરંતુ સમગ્ર વિશ્વમાં કેપ્ટન કૂલ તરીકે ઓળખાય છે. પરંતુ ધોની પણ એક માણસ છે અને કેટલીકવાર અમે તેને સાથી ખેલાડીઓ પર પોતાનો ગુસ્સો ગુમાવતા પણ જોયો છે. ધોનીના ગુસ્સાનો એક વીડિયો સોશિયલ મીડિયા પર વાયરલ થઈ રહ્યો છે.
IPL 2023માં 27મી એપ્રિલે રાજસ્થાન રોયલ્સ અને ચેન્નાઈ સુપર કિંગ્સ વચ્ચે રોમાંચક મેચ રમાઈ રહી છે. આ મેચમાં રાજસ્થાન રોયલ્સે ટોસ જીતીને પ્રથમ બેટિંગ કરવાનો નિર્ણય કર્યો હતો. રાજસ્થાને શાનદાર બેટિંગ કરતા 200નો આંકડો પણ પાર કર્યો હતો. આ મેચ દરમિયાન ધોની ખરાબ ફિલ્ડિંગને કારણે શિવમ દુબે પર ગુસ્સે થતો જોવા મળ્યો હતો. ધોનીનો મેદાન પર ગુસ્સે થતો આ વીડિયો સોશિયલ મીડિયા પર ખૂબ વાયરલ થઈ રહ્યો છે.
શિવમ દુબેના ખરાબ થ્રો પર ધોની ગુસ્સે થયો:
રાજસ્થાન રોયલ્સ અને ચેન્નાઈ સુપર કિંગ્સ વચ્ચે રમાઈ રહેલી મેચમાં ટોસ જીત્યા બાદ રાજસ્થાનની ટીમે પ્રથમ બેટિંગ કરવાનો નિર્ણય કર્યો હતો. ટીમના ઓપનિંગ બેટ્સમેન યશસ્વી જયસ્વાલે ઝડપી બેટિંગની શરૂઆત કરી હતી. આ પછી નીચલા ક્રમમાં ધ્રુવ જુરેલ અને પડિકલે પણ સારી ગતિએ રન બનાવ્યા હતા. રાજસ્થાનનો દાવ 202 રન પર સમાપ્ત થયો હતો.
આ દરમિયાન ઈનિંગના છેલ્લા બોલ પર ધોની ગુસ્સામાં જોવા મળ્યો હતો. એવું બન્યું કે પડિકલે સ્ક્વેર લેગ તરફ મોટો શોટ મારવાનો પ્રયાસ કર્યો પરંતુ બોલ વધુ દુર ગયો ન હતો. આવી સ્થિતિમાં શિવમ દુબેએ બોલ કેચ કર્યો હતો. જો તેણે કીપરને ફેંક્યો હોત તો રન આઉટ થવાની સંભાવના હતી, પરંતુ તેના નબળા થ્રોથી બેટ્સમેનો 3 રનમાં ભાગી જવામાં સફળ રહ્યા હતા. ધોની આ ખરાબ થ્રો પર જ શિવમ દુબેથી ગુસ્સે જોવા મળ્યો હતો. જો કે આ દરમિયાન દુબેએ ધોનીને આંખો પણ બતાવી હતી.
Trending News
ધોનીની આ સિઝન છેલ્લી IPL બની શકે છે:
એવી શક્યતા છે કે એમએસ ધોની તેની છેલ્લી આઈપીએલ રમી રહ્યો છે. આ સીઝન પછી, તે CSK સાથે જોવા મળશે પરંતુ એક ખેલાડી અને કેપ્ટન તરીકે નહીં પરંતુ કોઈ અન્ય સ્વરૂપમાં. આ જ કારણ છે કે 16મી સિઝનમાં મેચ ચેન્નાઈમાં હોય કે ચેન્નાઈની બહાર, ધોનીના ફેન્સ તેને જોવા અને સમર્થન કરવા માટે મોટી સંખ્યામાં એકઠા થઈ રહ્યા છે.
માહીની આઈપીએલ કરિયર રહી છે આવી:
એમએસ ધોનીની આઈપીએલ કારકિર્દી શાનદાર રહી છે. તે IPLનો સૌથી સફળ વિકેટ-કીપર બેટ્સમેન છે, જ્યારે તે બીજા સૌથી સફળ કેપ્ટન છે. ધોનીએ 2008થી અત્યાર સુધી કુલ 241 આઈપીએલ મેચ રમી છે, જેમાં તેણે 39.37ની એવરેજ અને 135.71ની સ્ટ્રાઈક રેટથી 5039 રન બનાવ્યા છે. આ દરમિયાન ધોનીના બેટમાંથી 24 અડધી સદી નીકળી છે અને તેનો સર્વશ્રેષ્ઠ સ્કોર 84 છે. આ સિવાય ધોનીએ 141 કેચ અને 40 સ્ટમ્પિંગ પણ કર્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.
